പഞ്ചാബ്: മലയാളത്തിൽ മഞ്ജുവാര്യർ നായികയായി പുറത്തിറങ്ങിയ ഉദാഹരണം സുജാത എന്ന ചിത്രം ഏറെ ചർച്ചചെയ്യപ്പെട്ടിരുന്നു. സ്വന്തം മകളോടൊപ്പം സ്കൂളിൽ പഠിക്കാൻ പോകുന്ന അമ്മയായി മഞ്ജുവാര്യർ അഭിനയിച്ച ഈ ചിത്രത്തിന് ഇപ്പോൾ ഇതാ മറ്റൊരു ജീവിതത്തിൽ സാക്ഷാത്ക്കാരം.
മുടങ്ങി പോയ പഠനം മകനൊപ്പം തുടങ്ങുകയാണ് 44കാരി രജനി ബാല.1989ലാണ് രജനി 9ാം ക്ലാസ് പൂര്ത്തിയാക്കിയത്. എന്നാല് ജീവിത സാഹചര്യങ്ങള് കാരണം രജനിക്ക് അതോടുകൂടി കൂടി പഠനം ഉപേക്ഷിക്കേണ്ടി വന്നു. തുടര്ന്ന് വിവാഹിതയാകുകയും കുടുംബജീവിതവുമായി മുന്നോട്ട് പോകുകയും ചെയ്തു. എന്നാലിപ്പോള് എസ്.എസ്.എല്.സി പരീക്ഷ സ്വന്തം മകനൊപ്പം എഴുതിയിരിക്കുകയാണ് രജനി.
ഭാര്യയുടെ പഠനത്തിന് ഭര്ത്താവിന്റെ പൂര്ണ്ണ പിന്തുണയുമുണ്ട്. പഠനത്തില് അമ്മയെ സഹായിക്കാന് മകനുംകൂടി ചേര്ന്നപ്പോള് പഠനമെന്നത് രജനിയ്ക്ക് ഏറെ എളുപ്പമായി. വിദ്യാഭ്യാസം ഓരോ വ്യക്തിയെ സംബന്ധിച്ചും പ്രധാനപ്പെട്ട കാര്യമാണെന്ന് രജനിയുടെ ഭര്ത്താവ് രാജ് കുമാര് സാത്തി പറഞ്ഞു. 17 വര്ഷത്തെ ഇടവേളയ്ക്ക് ശേഷമാണ് താന് ബിരുദം നേടിയത്. തനിക്ക് അത് നേടാന് കഴിയുമെങ്കില് തന്റെ ഭാര്യക്കും അതിന് കഴിയുമെന്ന് അദ്ദേഹം പറഞ്ഞു.
