മൈലപ്രയിലെ വായോധികനായ വ്യാപാരിയുടെ കൊലപാതകത്തിൽ പ്രത്യേക അന്വേഷണ സംഘത്തെ രുപീകരിച്ചു. പത്തനംതിട്ട എസ്.പി വി.അജിത്തിനാണ് അന്വേഷണത്തിൻ്റെ മേൽനോട്ടം. രണ്ട് ഡി.വൈ.എസ്.പി മാർക്ക് ആണ് അന്വേഷണ ചുമതല നൽകിയിരിക്കുന്നത്. കൊലപാതകത്തിന് പിന്നിൽ വൻ ആസൂത്രണം നടന്നതായി പ്രാഥമിക അന്വേഷണത്തിൽ കണ്ടെത്തിയിരുന്നു.
മോഷണത്തിനിടെ ഉണ്ടായ കൊലപാതകമെന്നാണ് നിഗമനം. കൈകാലുകൾ കെട്ടി, വായിൽ തുണി തിരുകിയ നിലയിലാണ് കടയ്ക്കുള്ളിൽ ജോർജ് ഉണ്ണുണ്ണിയുടെ മൃതദേഹം കണ്ടെത്തിയത്.
കടയില് നിന്ന് പണവും ജോര്ജിൻ്റെ കഴുത്തിൽ കിടന്ന മാലയും നഷ്ടപ്പെട്ടിട്ടുണ്ടെന്ന് പ്രാഥമിക പരിശോധനയില് പൊലീസ് കണ്ടെത്തി. കട പൊലീസ് സീല് ചെയ്തു. സ്ഥാപനത്തിലെ സി.സി.ടി.വി ഹാര്ഡ് ഡിസ്ക് കാണാതായിട്ടുണ്ട്.
മൈലപ്ര ബാങ്കിൻ്റെ സെക്രട്ടറിയുടെ പിതാവാണ് ജോര്ജ്. എല്ലാ ദിവസവും ആറ് മണിക്ക് ജോര്ജ് കടയടച്ചു പോകാറാണ് പതിവ്. കൊച്ചുമകനാണ് ആദ്യം മൃതദേഹം കണ്ടത്. വീട്ടിലേക്ക് വിളിച്ചു കൊണ്ടുപോകാന് എത്തിയപ്പോഴാണ് മരിച്ച നിലയില് കണ്ടെത്തിയത്. മൃതദേഹം കോട്ടയം മെഡിക്കൽ കോളജിൽ പോസ്റ്റ് മോർട്ടം നടത്തി.
