കണ്ണൂര്: കണ്ണൂര് സെന്ട്രല് ജയിലില് സഹതടവുകാരൻ്റെ അടിയേറ്റ് 86കാരനായ തടവുകാരന് മരിച്ചു. കോളയാട് ആലച്ചേരി സ്വദേശി കരുണാകരനാണ് മരിച്ചത്. കഴിഞ്ഞ ഞായറാഴ്ച രാത്രിയാണ് സംഭവം നടന്നത്.
ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പോസ്റ്റ്മോര്ട്ടം റിപ്പോര്ട്ടില് വടി കൊണ്ടുള്ള അടിയേറ്റതാണ് മരണകാരണമായി പറയുന്നത്. സഹതടവുകാരന് വേലായുധനാണ് കരുണാകരനെ വടികൊണ്ട് തലയ്ക്ക് അടിച്ചതെന്ന് പോലീസ് വ്യക്തമാക്കി. സംഭവത്തില് കണ്ണൂര് ടൗണ് ഇന്സ്പെക്ടര് ശ്രീജിത്ത് കൊടേരിയുടെ നേതൃത്വത്തില് ജയിലില് അന്വേഷണം തുടങ്ങി. പ്രതിയുടെ അറസ്റ്റ് രേഖപ്പെടുത്തി.
