കാസർകോട് ജില്ലയിലെ മഞ്ചേശ്വരത്ത് കുഴല്പ്പണം പിടികൂടി. കര്ണാടക ട്രാന്സ്പോര്ട്ട് ബസില് കടത്തുകയായിരുന്ന 36 ലക്ഷം രൂപയാണ് പിടികൂടിയത്. മഞ്ചേശ്വരം എക്സൈസ് ചെക്ക് പോസ്റ്റിലെ പതിവ് വാഹന പരിശോധനയ്ക്കിടെയാണ് കുഴല്പ്പണം കണ്ടെത്തിയത്.
പണം കടത്തി കൊണ്ടു വന്ന മഹാരാഷ്ട്രയിലെ സാംഗ്ലി സ്വദേശിയായ അഭിജിത്ത് ഗോപാല് ചോപഡെയെ പോലീസ് അറസ്റ്റ് ചെയ്തു. മംഗലാപുരത്തുനിന്നും കാസര്കോട്ടേക്ക് പോകുന്ന കര്ണാടക ട്രാന്സ്പോര്ട്ട് ബസില് നിന്നും 36,47,000 രൂപയാണ് പിടികൂടിയത്.
മുംബൈയില് നിന്നാണ് പണം കൊണ്ടുവന്നതെന്നാണ് അഭിജിത്ത് ഗോപാല് ചോപഡ നല്കിയിരിക്കുന്ന മൊഴി. നേരത്തേയും ഇയാള് രേഖകളില്ലാതെ പണം കടത്തിയതായി മൊഴി നല്കിയിട്ടുണ്ട്. ഇത് നാലാം തവണയാണ് ഇത്തരത്തില് കാസര്കോട്ടേക്ക് പണം കടത്തിയതെന്നാണ് ഇയാള് പറയുന്നത്.
