പത്തനംതിട്ട: ഭക്തരുടെ വികാരം വ്രണപ്പെടുത്തി മലകയറാനില്ലെന്ന് ന്യൂയോര്ക്ക് ടൈംസ് വനിതാ റിപ്പോര്ട്ടര് സുഹാസിനി രാജ്. പൊലീസ് സംരക്ഷണയില് സന്നിധാനത്തേക്ക് നീങ്ങിയ ന്യൂയോര്ക്ക് ടൈംസ് വനിതാ റിപ്പോര്ട്ടര് സുഹാസിനി രാജ് മല കയറാതെ മടങ്ങുകയായിരുന്നു. മരക്കൂട്ടത്ത് വന്പ്രതിഷേധം ഉണ്ടായതിനെ തുടര്ന്നാണ് സുഹാസിനി മലയിറങ്ങാന് തയ്യാറായത്.
ഇവരോടൊപ്പമുണ്ടായിരുന്ന സഹപ്രവര്ത്തകന് കാള് ഷ്വാസുമായി സംസാരിച്ച ശേഷമാണ് ഇവര് തിരിച്ചിറങ്ങിയത്. അയ്യപ്പ ഭക്തര് ശരണം വിളികളോടെ പ്രതിഷേധിച്ചപ്പോഴാണ് അവര് തിരികെയിറങ്ങാന് തയ്യാറായത്. സുഹാസിനിയെ ഇപ്പോള് പമ്പാ പൊലീസ് സ്റ്റേഷനിലെത്തിച്ചു. ന്യൂയോര്ക്ക് ടൈംസിന്റെ ദില്ലി ബ്യൂറോ റിപ്പോര്ട്ടറാണ് സുഹാസിനി രാജ്. 
ഭക്തരുടെ വികാരം വ്രണപ്പെടുത്താനില്ല: ടൈംസ് വനിതാ റിപ്പോര്ട്ടര് സുഹാസിനി രാജ് മല കയറാതെ മടങ്ങി
