ഫ്ലോറിഡ: അമേരിക്കയിലെ ഫ്ളോറിഡയില് പാര്ക്ക് ലാന്ഡ് സ്കൂളില് സ്കൂളില് നിന്ന് പുറത്താക്കപ്പെട്ട വിദ്യാര്ഥി വെടിവെയ്പ് നടത്തി. സംഭവത്തില് വിദ്യാര്ത്ഥികളടക്കം 17 പേര് കൊല്ലപ്പെട്ടു. നിരവധിപ്പേര്ക്ക് പരിക്കേറ്റു. പുറത്താക്കപ്പെട്ട നിക്കോളസ് ക്രൂസ് (19) എന്ന വിദ്യാര്ഥിയാണ് ആക്രമണം നടത്തിയത്. ബുധനാഴ്ച പ്രാദേശിക സമയം വൈകുന്നേരം മൂന്നു മണിയോടെയാണ് മജോരിറ്റി സ്റ്റോണ്മാന് ഡഗ്ലസ് ഹൈസ്കൂളില് വെടിവെപ്പുണ്ടായത്.
തോക്കുമായി എത്തിയ നിക്കാളാസ് യാതൊരു പ്രകോപനവുമില്ലാതെ വെടിയുതിര്ക്കുകയായിരുന്നു. സ്കൂളിന് പുറത്തെ് വെച്ച് മൂന്നുപേരെ വെടിവെച്ച ശേഷം ഉള്ളില് കടന്ന് മറ്റ് 12 പേരെക്കൂടി കൊല്ലുകയായിരുന്നു. വെടിശബ്ദം ഉയര്ന്നതോടെ അധ്യാപകരും വിദ്യാര്ഥികളും ചിതറിയോടി. 12 പേര് സ്കൂളിനുള്ളിലും മൂന്നു പേര് പുറത്തും രണ്ടു പേര് ആശുപത്രിയിലുമാണ് മരിച്ചത്.
