ശമ്പളം ലഭിക്കാത്തതിനെ തുടര്ന്ന് ബി.എസ്.എന്.എല് ജീവനക്കാരന് ജീവനൊടുക്കി. ബി.എസ്.എന്.എല് താല്ക്കാലിക ജീവനക്കാരനാണ് തൂങ്ങിമരിച്ചത്. ഇയാള്ക്ക് പത്ത് മാസമായി ശമ്പളം പോലും ലഭിച്ചിട്ടില്ലെന്നാണ് വിവരം. നിലമ്പൂര് ബി.എസ്.എന്.എല് ഓഫീസിലെ ജീവനക്കാരനായ രാമകൃഷ്ണനാണ് ആത്മഹത്യ ചെയ്തത്.
സംഭവത്തില് ഇതുവരെ ബി.എസ്.എന്.എല് അധികൃതര് പ്രതികരിച്ചിട്ടില്ല. അതേസമയം ഈ വ്യക്തി ആത്മഹത്യ ചെയ്യാന് മറ്റെന്തെങ്കിലും കാരണമുണ്ടോയെന്ന് പോലീസ് അന്വേഷിച്ചുവരികയാണ്.
