തിരുവനന്തപുരം: നിലവില് നെല്വയല് നികത്തുന്നത് ശ്രദ്ധയില് പെട്ടാല് ഒന്നുകില് കൃഷി ഓഫീസറോ വില്ലേജ് ഓഫീസറോ കോടതിയില് റിപ്പോര്ട്ട് ചെയ്യണം. ക്രിമിനല് കുറ്റമാണെങ്കിലും പിഴയടച്ച് രക്ഷപ്പെടാം. പുതിയ ഭേദഗതിയില് ഇതാകെ മാറുകയാണ്.സംസ്ഥാനത്ത് നെല്വയല് നികത്തുന്നത് ഇനിമുതൽ ജാമ്യമില്ലാ കുറ്റമാകുന്നു. ഇതുസംബന്ധിച്ച നെല്വയല് നീര്ത്തട സംരക്ഷണ നിയമം അടുത്ത മന്ത്രിസഭായോഗത്തിൽ പരിഗണനയ്ക്ക് വരും.
പുതിയ ഭേദഗതി നിലവില് വരുന്നതോടെ സര്ക്കാറിന് നേരിട്ട് പങ്കാളിത്തമുള്ള വന്കിട പദ്ധതികള്ക്ക് വയല് നികത്താന് പ്രാദേശികതല നിരീക്ഷണ സമിതികളുടെ അനുമതി വേണ്ട. പുതിയ ഭേദഗതി പ്രകാരം .ജാമ്യമില്ലാ വകുപ്പ് പ്രകാരം പോലീസിന് നേരിട്ട് കേസെടുക്കാം. തരിശ് നിലം ഏറ്റെടുത്ത് കൃഷിയിറക്കാന് പഞ്ചായത്തുകള്ക്ക് അധികാരം നല്കും.
