ജെ.എന്.യു വിദ്യാര്ത്ഥികള് രാഷ്ട്രപതി ഭവനിലേക്ക് നടത്തിയ മാര്ച്ചില് സംഘര്ഷം. പോലീസ് മാര്ച്ച് തടഞ്ഞതോടെയാണ് വിദ്യാര്ത്ഥികളും പോലീസും തമ്മില് ഉന്തും തള്ളുമുണ്ടാവുകയും വിദ്യാര്ത്ഥികള്ക്കുനേരെ പോലീസ് ലാത്തിവീശുകയും ചെയ്തത്.
സംഘര്ഷത്തില് നിരവധി വിദ്യാര്ത്ഥികള്ക്ക് പരിക്കേറ്റു. ഏതാനും വിദ്യാര്ത്ഥികളെ പോലീസ് അറസ്റ്റുചെയ്ത് നീക്കി.ഫീസ് വര്ദ്ധന പിന്വലിക്കണമെന്ന് ആവശ്യപ്പെട്ട് സമരം ചെയ്യുന്ന വിദ്യാര്ത്ഥികളുമായി കേന്ദ്ര മാനവ വിഭവശേഷി മന്ത്രാലയം സെക്രട്ടറി നടത്തിയ ചര്ച്ച പരാജയപ്പെട്ടതിന് പിന്നാലെയാണ് വിദ്യാര്ത്ഥികള് രാഷ്ട്രപതി ഭവനിലേക്ക് മാര്ച്ച് നടത്തിയത്.
ജെ.എന്.യു വിദ്യാര്ത്ഥി യൂണിയന് പ്രസിഡന്റ് ഐഷി ഘോഷ് അടക്കമുള്ളവരുമായാണ് മാനവ വിഭവശേഷി മന്ത്രാലയ സെക്രട്ടറി ചര്ച്ച നടത്തിയത്. ഫീസ് വര്ദ്ധന പിന്വലിക്കണം, വൈസ് ചാന്സലര് രാജിവെക്കണം എന്നീ ആവശ്യങ്ങള് വിദ്യാര്ത്ഥികള് ഉന്നയിച്ചെങ്കിലും ഇവ അംഗീകരിക്കാന് അധികൃതര് തയ്യാറായില്ല. തുടര്ന്നാണ് രാഷ്ട്രപതി ഭവനിലേക്ക് മാര്ച്ച് നടത്താന് വിദ്യാര്ത്ഥി യൂണിയന് ആഹ്വാനം ചെയ്തത്.
