ചെന്നൈ : അപ്പോളോ ആസ്പത്രിയില് ചികിത്സയില് കഴിയുന്ന തമിഴ്നാട് മുഖ്യമന്ത്രി ജയലളിതയ്ക്ക് ഹൃദയസ്തംഭനം ഉണ്ടായതായി ആശുപത്രി അധികൃതര്, വാര്ത്തക്കുറിപ്പിലാണ് ഇക്കാര്യം അറിയിച്ചിരിക്കുന്നത്. രണ്ട് മാസമായി അപ്പോളോ ആസ്പത്രിയില് തുടരുന്ന ജയലളിത ആരോഗ്യനില വീണ്ടെടുക്കുന്നുവെന്ന വാര്ത്തകള്ക്കിടയിലാണ് അവര്ക്ക് ഹൃദയാഘാതം ഉണ്ടായിരിക്കുന്നത്.
ഇതേതുടര്ന്ന് അവരെ വീണ്ടും തീവ്രപരിചരണ വിഭാഗത്തിലേക്ക് മാറ്റി. ഹൃദ്രോഗവിദഗ്ദ്ധര് ഉള്പ്പടെയുള്ള ഡോക്ടര്മാരുടെ നിരീക്ഷണത്തിലാണ് ജയലളിതയെന്ന് ആസ്പത്രി അധികൃതര് അറിയിച്ചു.
