മാന്യ(കാസർകോട്): മഴക്കെടുതിയിൽ ദുരിതമനുഭവിക്കുന്നവർക്ക് കൈത്താങ്ങായി നിരവധിപേരാണ് മുന്നോട്ട് വരുന്നത്. ഈ സാഹചര്യത്തിൽ വിന്‍ടെച്ച് ഇന്റര്‍നാഷ്ണല്‍ സ്കൂളും അവർക്കൊപ്പം ചേരുകയാണ്. ഇതിനായി മുഖ്യമന്ത്രിയുടെ ദുരിദാശ്വാസ നിധിയിലേക്ക് സംഭാവനനൽകും.ആഘോഷപൂർവം നടത്താനിരുന്ന ഈ വർഷത്തെ ഓണാഘോഷ പരിപാടികൾ കുട്ടികളുടെ അനുമതിപ്രകാരം മേനേജ്‌മെൻറ്റും പി.ടി.എയും ചേർന്ന് വേണ്ടന്ന് വെച്ചു.ഓഗസ്റ്റ് 18 ന് നടത്താനിരുന്ന ഓണാഘോഷ പരിപാടിയാണ് വേണ്ടന്ന് വെച്ചത്. പകരം അതിനായി ചെലവ് വരുന്ന പണം മുഖ്യമന്ത്രിയുടെ ദുരിദാശ്വാസ നിധിയിലേക്ക് സംഭാവന നൽകുകയാണെന്നും സ്കൂൾ മാനേജ്‌മെന്റ്റ് അറിയിച്ചു.