മെക്സിക്കോ: ഗ്വാഡലജാര അന്താരാഷ്ട്ര വിമാനത്താവളത്തില് നിന്ന് കഴിഞ്ഞ ചൊവ്വാഴ്ച പുറപ്പെട്ട വിവ എയ്റോബസ് വിമാനത്തിന്റെ വലത് എഞ്ചിന് പൊട്ടിത്തെറിച്ചു, വൻ ദുരന്തം ഒഴിവായി. ഫ്ലൈറ്റ് വിബി 518 എന്ന് പേരുള്ള വിമാനം ലോസ് ഏഞ്ചല്സിലേക്കുള്ള യാത്രയിലായിരുന്നു. വിമാനം ഉയര്ന്ന് 10 മിനിറ്റിനുള്ളില് എഞ്ചിന് പൊട്ടിത്തെറിച്ചു. ഇതോടെ വിമാനത്തിലെ യാത്രക്കാര് നിലവിളികളാരംഭിച്ചു. എന്നാല്, ഏവരെയും അത്ഭുതപ്പെടുത്തി തകര്ന്ന എഞ്ചിനുമായി വിമാനം ലാന്റ് ചെയ്യിക്കുന്നതില് പൈലറ്റ് വിജയിച്ചെന്ന് റിപ്പോര്ട്ടുകള് പറയുന്നു. യാത്രക്കാര്ക്ക് രാത്രിയില് സൗജന്യ താമസം നല്കിയെന്നും അവരെ ബുധനാഴ്ചത്തെ വിമാനത്തില് അയച്ചെന്നും എയര്ലൈന് അധികൃതര് അറിയിച്ചു.
പറക്കുന്ന വീഡിയോ വിമാനത്തിലുണ്ടായിരുന്ന യാത്രക്കാരിലൊരാളായ കിംബര്ലി ഗാര്സിയ തൻ്റെ ട്വിറ്റർ അക്കൗണ്ടില് പ്രസിദ്ധപ്പെടുത്തി. നിമിഷനേരം കൊണ്ട് തന്നെ സമൂഹിക മാധ്യമങ്ങളില് വീഡിയോ തരംഗമായി.
“ഈ സാഹചര്യം ഉണ്ടാക്കിയേക്കാവുന്ന അസൗകര്യങ്ങളില് ഞങ്ങള് ഖേദിക്കുന്നു. അത് എയര്ലൈനും യോഗ്യതയുള്ള അധികാരികളും വിശകലനം ചെയ്യുകയും വിലയിരുത്തുകയും ചെയ്യും,” എയര്ലൈന് വാർത്താക്കുറിപ്പില് പറഞ്ഞു. “വിവ എയ്റോബസ് അതിന്റെ ഓരോ ഫ്ലൈറ്റുകളിലും സുരക്ഷയ്ക്കുള്ള പ്രതിബദ്ധത വീണ്ടും ഉറപ്പിക്കുന്നു. അതിനാണ് കമ്പനിയുടെ ഒന്നാം നമ്പര് മുന്ഗണനയും.” എയര്ലൈന് പറഞ്ഞു. കഴിഞ്ഞ മൂന്ന് മാസത്തിനിടെ മെക്സിക്കോയില് അടിയന്തര ലാന്ഡിംഗ് നടത്തിയ രണ്ടാമത്തെ വിമാനമാണ് വിവ എയ്റോബസിന്റെത്. മെയ് 22 ന്, ഫ്ലൈറ്റ് നമ്പര് 1281 എന്ന വിമാനം വില്ലാ ഹെര്മോസയില് നിന്ന് പുറപ്പെട്ട് മെക്സിക്കോ സിറ്റിയിലേക്ക് പോകുമ്പോള് എഞ്ചിന് ടര്ബൈന് ഒരു പക്ഷി വന്നിടിച്ചു. ഇതിനെ തുടര്ന്നും വിമാനം അടിയന്തര ലാന്റിങ്ങ് ചെയ്തിരുന്നു.
