മലയാളികളുടെ പ്രിയപ്പെട്ട അവതാരകനാണ് മിഥുന് രമേഷ്. ഫ്ളവേഴ്സ് ചാനലിലെ കോമഡി ഉത്സവത്തിന്റെ അവതാരകനായതോടെ മിഥുന് പ്രേക്ഷകരുടെ പ്രിയങ്കരനായി മാറുന്നത്. ഇപ്പോഴിതാ താൻ ആശുപ്രതിയിൽ ആണെന്ന വിവരം പങ്കുവെക്കുകയാണ് മിഥുൻ.
താരം പങ്കുവച്ച വീഡിയോ ആരാധകര്ക്കിടയില് വലിയ ആശങ്ക ജനിപ്പിക്കുന്നുണ്ട്. മുഖത്തിൻ്റെ ഒരു ഭാഗത്ത് പാര്ഷ്യല് പാരാലിസിസ് ഉണ്ടായി എന്നാണ് മിഥുന് വീഡിയോയില് പറയുന്നത്. വിജയകരമായി അങ്ങനെ ആശുപത്രിയില് കയറി. കഴിഞ്ഞകുറച്ചു ദിവസങ്ങളായി യാത്രകള് ആയിരുന്നു. നിങ്ങള്ക്ക് ഇപ്പോള് കാണുന്നുണ്ടോ എന്ന് എനിക്ക് അറിയില്ല. എനിക്ക് ബെല്സ് പാള്സി ചെറുതായി ബാധിച്ചിട്ടുണ്ട്. ജസ്റ്റിന് ബീബറിന് ഒക്കെ വന്ന അസുഖമാണ്.
ചിരിക്കുന്ന സമയം മുഖത്തിന്റെ ഒരു സൈഡ് അനക്കാന് ആകില്ല, കണ്ണുകള് താനേ അടഞ്ഞു പോകുന്ന അവസ്ഥയില് ആണ് എന്നാണ് മിഥുന് പറയുന്നത്. ഒരു കണ്ണ് അടയും മറ്റേ കണ്ണ് വളരെ ഫോഴ്സ് ചെയ്താല് മാത്രമാണ് അടയുകയെന്നാണ് താരം പറയുന്നത്. ഇടയ്ക്ക് ചിരിച്ച് കാണിക്കാനുമൊക്കെ മിഥുന് ശ്രമിക്കുന്നുണ്ട്. രണ്ടുകണ്ണും ഒരുമിച്ച് അടക്കാന് കുറച്ചു പാടുണ്ട്. മുഖത്തിൻ്റെ ഒരു സൈഡ് പാര്ഷ്യന് പാരാലിസിസ് എന്ന രീതിയില് എത്തിയിട്ടുണ്ടെന്നും താരം അറിയിക്കുന്നു.
അതേസമയം ഈ അവസ്ഥ മാറും എന്നാണ് പറഞ്ഞതെന്നും മിഥുന് വ്യക്തമാക്കുന്നുണ്ട്. തിരുവനന്തപുരം അനന്തപുരി ആശുപത്രിയില് അഡ്മിറ്റ് ആയെന്നാണ് മിഥുന് വീഡിയോയിലൂടെ പങ്കുവെക്കുന്നത്. നേരത്തെ മിഥുൻ്റെ ഭാര്യ ലക്ഷ്മി പങ്കിട്ട ഒരു പോസ്റ്റില് പ്രാര്ത്ഥനകള് ആവശ്യമാണ് എന്നും പറഞ്ഞിരുന്നു. വേഗം അപ്ഡേറ്റ് ചെയ്യാം എന്നും പറഞ്ഞിരുന്നു. അപ്പോള് മുതല് എന്താണ് എന്ന് അറിയാനുള്ള കാത്തിരിപ്പില് ആയിരുന്നു ആരാധകര്.
പിന്നാലെയാണ് മിഥുന് വീഡിയോയുമായി എത്തിയിരിക്കുന്നത്. വീഡിയോ സോഷ്യല് മീഡിയയില് വൈറലായി മാറുകയായിരുന്നു. മിഥുന് ഉടനെ തന്നെ സുഖപ്പെടട്ടെ എന്നാണ് സോഷ്യല് മീഡിയ നേരുന്നത്.
