കേരളത്തില് മൂന്നു പേര്ക്കു കൂടി കൊറോണ വൈറസ് ബാധ സ്ഥിരീകരിച്ചതായി മുഖ്യമന്ത്രി പിണറായി വിജയന്. ഇതോടെ സംസ്ഥാനത്തെ കൊറോണ ബാധിതരുടെ എണ്ണം 24 ആയി ഉയര്ന്നു. മലപ്പുറത്ത് രണ്ടു പേര്ക്കും കാസര്കോട് ഒരാള്ക്കുമാണ് രോഗം സ്ഥിരീകരിച്ചത്. 12,470 പേര് നിരീക്ഷണത്തിലാണ്. ഇന്ന് മാത്രം 72 പേരെ ആശുപത്രിയില് പ്രവേശിപ്പിച്ചു.
തലസ്ഥാനത്ത് ചേര്ന്ന സര്വ്വകക്ഷിയോഗം കൊവിഡ് പ്രതിരോധ പ്രവര്ത്തനങ്ങള് ചര്ച്ച ചെയ്തുവെന്നും മാരക വൈറസിനെതിരെയുള്ള പ്രതിരോധത്തില് എല്ലാവരും ഒരുമിച്ചു നില്ക്കുന്നുണ്ടെന്നും മുഖ്യമന്ത്രി പറഞ്ഞു. ജനുവരി അവസാനത്തോടെയാണ് കൊവിഡ് 19 വൈറസ് ബാധ കേരളത്തില് റിപ്പോര്ട്ട് ചെയ്യുന്നത്.
നല്ല രീതിയില് തന്നെ ആദ്യാവസാനം ആരോഗ്യവകുപ്പ് വൈറസ് ബാധയെ നേരിട്ടുണ്ട്. കൊവിഡ് 19 പ്രതിരോധ പ്രവര്ത്തനങ്ങള്ക്ക് സര്വ്വകക്ഷിയോഗത്തില് പങ്കെടുത്ത എല്ലാ പാര്ട്ടികളും പിന്തുണ നല്കിയിട്ടുണ്ട്. ഈ പിന്തുണ സര്ക്കാരിന് വലിയ ഊര്ജ്ജം നല്കുമെന്നും അദ്ദേഹം പറഞ്ഞു.
