സ്വര്ണക്കടത്ത് കേസുമായി ബന്ധപ്പെട്ട് ആരോപണവിധേയനായ മുന് ഐ.ടി സെക്രട്ടറി ശിവശങ്കറിനെ സര്വീസില്നിന്നും അന്വേഷണ വിധേയമായി സസ്പെന്ഡ് ചെയ്തു. മുഖ്യമന്ത്രി പിണറായി വിജയനാണ് ഇക്കാര്യം വ്യക്തമാക്കിയത്.
സിവില്സര്വീസ് ഉദ്യോഗസ്ഥന് പാലിക്കേണ്ട ചട്ടങ്ങള് ശിവശങ്കര് ലംഘിച്ചതായി കാണിച്ച് ചീഫ് സെക്രട്ടറി അധ്യക്ഷനായ സമിതി നല്കിയ റിപ്പോര്ട്ടിന്റെ അടിസ്ഥാനത്തിലാണ് നടപടി. 2000ലാണ് ശിവശങ്കറിന് മറ്റു വകുപ്പില്നിന്ന് സ്ഥാനക്കയറ്റത്തിലൂടെ ഐ.എ.എസ് ലഭിക്കുന്നത്.
ഐ. ടി പ്രിന്സിപ്പല് സെക്രട്ടറിയായും മുഖ്യമന്ത്രിയുടെ സെക്രട്ടറിയായും പ്രവര്ത്തിക്കുമ്പോഴാണ് സ്വര്ണക്കടത്തു കേസിലെ പ്രതി സ്വപ്ന സുരേഷുമായി ബന്ധമുണ്ടായതിന്റെ പേരില് സ്ഥാനത്തുനിന്ന് മാറ്റുന്നത്.
