കാസര്കോട്: നിയമസഭാ തെരഞ്ഞെടുപ്പുമായി ബന്ധപ്പെട്ട പോസ്റ്റര്, ലഘുലേഖ തുടങ്ങിയ പ്രചാരണ സാമഗ്രികളൊന്നും പ്രസിന്റെയും പ്രസാധകന്റെയും പേരും വിലാസവുമില്ലാതെ അച്ചടിക്കരുതെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര് ഡോ. ഡി. സജിത് ബാബു അറിയിച്ചു. പ്രിന്റിംഗ് പ്രസ് ഉടമകളുടെ യോഗത്തിലാണ് കളക്ടര് ഇക്കാര്യം അറിയിച്ചത്.
അച്ചടിച്ച പ്രചാരണ സാമഗ്രികളുടെ കോപ്പി നിര്ബന്ധമായും ജില്ലാ ഇന്ഫര്മേഷന് ഓഫീസിലെ ജില്ലാ മീഡിയ ആന്ഡ് മോണിറ്ററിംഗ് കമ്മിറ്റിക്ക് സമര്പ്പിക്കേണ്ടതാണ്.
അച്ചടിച്ച പ്രചാരണ സാമഗ്രികളുടെ കോപ്പി, ആരാണ് പ്രസാധകന്, ആരാണ് ഓര്ഡര് ചെയ്തത്, അതിന്റെ കണക്ക് എന്നിവ പ്രസുകള്രജിസ്റ്റര് ചെയ്ത് സൂക്ഷിക്കണം.
നിര്ദേശങ്ങള് ലംഘിക്കുന്ന പ്രസ് ഉടമകള്ക്കെതിരെ ജനപ്രാതിനിധ്യ നിയമം പ്രകാരം കര്ശന നടപടികള് സ്വീകരിക്കുമെന്നും ജില്ലാ കലക്ടര് അറിയിച്ചു.
