കാസര്കോട്: പുനര് നിര്മിക്കപ്പെട്ട തൊട്ടി മുഹ് യദ്ദീന് ജുമാ മസ്ജിദ് ഞായറാഴ്ച അസര്നിസ്ക്കാരത്തിന് നേതൃത്വം നല്കി പാണക്കാട് ഹൈദരാലി ശിഹാബ് തങ്ങള് ഉദ്ഘാടനം ചെയ്യുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. നാല് മണിക്ക് നടക്കുന്ന പൊതുസമ്മേളനം ഹൈദരലി തങ്ങള് ഉദ്ഘാടനം ചെയ്യും. ജമാ അത്ത് കമ്മിറ്റി പ്രസിഡണ്ട് തൊട്ടി സാലിഹ് ഹാജി അധ്യക്ഷത വഹിക്കും. ജനറല് സെക്രട്ടറി ഹംസ ബേങ്ക് സ്വാഗതം പറയും. ഹാഫിള് അസീം ഹഫീള് തൊട്ടി ഖിറാഅത്ത് നടത്തും. ചടങ്ങില് പഴയ കാല ജമാഅത്ത് കമ്മിറ്റി പ്രസിഡണ്ട്, ജനറല് സെക്രട്ടറിമാരെ ആദരിക്കും. സോവനീര് തങ്ങള് പ്രകാശനം ചെയ്യും. അസീസ് മാളികയില് ഏറ്റുവാങ്ങും. പള്ളിക്കര സംയുക്ത ജമാഅത്ത് ഖാസി പൈവളിഗെ അബ്ദുല് ഖാദര് മുസ് ലിയാര് അനുഗ്രഹ ഭാഷണം നടത്തും. എസ്.വൈ.എസ്. സംസ്ഥാന വൈസ് പ്രസിഡണ്ട് മെട്രോ മുഹമ്മദ് ഹാജി, കെ.കെ. മാഹിന് മുസ് ലിയാര് തൊട്ടി, സുഹൈര് അസ്ഹരി പള്ളങ്കോട്, അബ്ദുല് ലത്തീഫ് ഫൈസി പുനൂര് പ്രസംഗിക്കും. രാത്രി 8.30 ന് ബുര്ദ്ദ മജ്ലിസിന് ഹാഫിള് സാദിഖ് അലി അല് ഫാളിലി ഗുഡല്ലൂര് നേതൃത്വം നല്കും. തിങ്കളാഴ്ച ഏഴ് മണിക്ക് മതപ്രഭാഷണം സമസ്ത ജില്ലാ ജനറല് സെക്രട്ടറി യു.എം. അബ്ദുല് റഹിമാന് മുസ് ലിയാര് ഉദ്ഘാടനം ചെയ്യും. കെ.എം. അബ്ദുല് റഹിമാന് ഹാജി അധ്യക്ഷത വഹിക്കും. 
ജമാഅത്ത് കമ്മിറ്റി സെക്രട്ടറി മുനീര് തമന്ന സ്വാഗതം പറയും. ഹാഫിള് തംജീദ് തൊട്ടി ഖിറാഅത്ത് നടത്തും. ഹാഫിള് ഇ.പി. അബൂബക്കര് അല് ഖാസിമി പത്തനാപുരം പ്രഭാഷണം നടത്തും. ചൊവ്വാഴ്ച രാത്രി എ.എം നൗഷാദ് ബാഖവി ചിറയന്കീഴ് പ്രഭാഷണം നടത്തും. നീലേശ്വരം ഖാസി ഇ.കെ. മഹമൂദ് മുസ് ലിയാര് ഉദ്ഘാടനം ചെയ്യും. കെ.എം സാലിഹ് മാസ്റ്റര് അധ്യക്ഷത വഹിക്കും. അബ്ദുല് റഹിമാന് ഹുദവി സ്വാഗതം പറയും. ഹാഫിള് മുഹമ്മദ് അന്സ്വഫ് തൊട്ടി ഖിറാഅത്ത് നടത്തും. അറേബ്യന് സാസ്കാരിക പൈതൃകത്തെ അനുസ്മരിപ്പിക്കും വിധമാണ് പള്ളിയുടെ നിര്മാണം.നാട്ടുകാര് മാത്രം നല്കിയ രണ്ടു കോടിയോളം രൂപ ചെലവാക്കിയാണ് ആറു വര്ഷം കൊണ്ട് പള്ളിയുടെ പണി പൂര്ത്തിയാക്കിയത്. ശില്പ ചാരുതയിലും അനുബന്ധ നിര്മാണങ്ങളിലും അറേബ്യന് സംസ്കാരവുമായി ഏറെ സാമ്യം പുലര്ത്തുന്ന രീതിയിലാണ് പള്ളിയുടെ പണി പൂര്ത്തിയാക്കിയിരിക്കുന്നത്. ചിരപുരാതന അറബ് നാഗരികതയുടെ പ്രൌഡി വിളിച്ചോതുന്ന മനോഹരമായ ഇന്റീരിയല് ഡിസൈനിംഗും ഖുര്ആനിക സൂക്തങ്ങളുടെ കൊത്തുപണികളും പള്ളിയെ മികവുറ്റതാക്കുന്നു.
പ്രത്യേക രീതിയില് പണികഴിപ്പിച്ച ഖുബ്ബയും കഅബയുടെ ചിത്രം ആലേഖനം ചെയ്ത പ്രവേശന കവാടവും ആധുനിക ശില്പ ചാരുതയില് തീര്ത്ത അംഗ സ്നാന കുടവും പള്ളിയുടെ മറ്റൊരു സവിശേഷതയാണ്. പരിസരത്തൊരുക്കിയ വിശാലമായ ഈത്തപ്പനത്തോട്ടവും ചുറ്റുമുള്ള പ്രഭാവലയവും അറബ് നാടുകളെ അനുസ്മരിപ്പിക്കുന്നതാണ്. പഴയ കാലം മുതലെ ഗള്ഫ് രാഷ്ട്രങ്ങളുമായി ബന്ധം പുലര്ത്തിയിരുന്നവരാണ് തൊട്ടി നിവാസികള്. ഈ ബന്ധമാണ് ഇങ്ങനെയൊരു തീരുമാനത്തിനു കാരണമായത്. വാര്ത്താസമ്മേളനത്തില് ജമാഅത്ത് പ്രസിഡന്റ് തൊട്ടി സാലി ഹാജി, ട്രഷറര് ഹംസ തൊട്ടി, ഖത്തീബ് അബൂസിയാന് അസ്ഹരി, കെ.എം അബ്ദുല് റഹ്മാന്ഹാജി, അബ്ദുല് റഹ്മാന് ബാങ്ക്, ബഷീര് തഖ് വ സംബന്ധിച്ചു.
പുനര് നിര്മിക്കപ്പെട്ട പള്ളിക്കര തൊട്ടി ജുമാ മസ്ജിദ് ഞായറാഴ്ച ഹൈദരാലി ശിഹാബ് തങ്ങള് ഉദ്ഘാടനം ചെയ്യും
You Might Also Like
കാസര്കോട് ആളുകളെ കുത്തിനിറച്ച് സ്വകാര്യ ബസിന്റെ യാത്ര;നടപടി എടുക്കുമെന്ന് പോലീസ്
ആസിഫയുടെ കൊലപാതകത്തില് പ്രതിഷേധിച്ച് ഡിവൈ.എഫ്.ഐ പ്രതികളെ പ്രതികാത്മകമായി തൂക്കിലേറ്റി
