മധ്യ കിഴക്കന് അറബിക്കടലില് രൂപം കൊണ്ടിരുന്ന ന്യൂനമര്ദ്ദം തീവ്ര ന്യൂനമര്ദ്ദമായി ശക്തിപ്പെട്ടെന്ന് കേന്ദ്ര കാലാവസ്ഥ വകുപ്പ്. ന്യൂന മര്ദ്ദത്തിന്റെ സ്വാധീനഫലമായി കേരളത്തില് വിവിധയിടങ്ങളില് ഇന്ന് വൈകുന്നേരവും രാത്രിയും ശക്തമായതോ അതിശക്തമായതോ ആയ മഴക്ക് സാധ്യതയുണ്ട്.
കാസര്കോട്, കണ്ണൂര്, കോഴിക്കോട് ജില്ലകളില് ഒറ്റപ്പെട്ട അതിശക്തമായ മഴയ്ക്കാണ് സാധ്യത. തീവ്ര ന്യൂനമര്ദ്ദത്തിന്റെ സ്വാധീനമുള്ളത് കൊണ്ട് തന്നെ മത്സ്യത്തൊഴിലാളികള് ഒരു കാരണവശാലും കടലില് പോകാന് പാടുള്ളതല്ലന്നും അധികൃതര് അറിയിച്ചു. തീവ്ര ന്യൂനമര്ദ്ദത്തിന്റെ വികാസത്തെയും സഞ്ചാരത്തെയും സംസ്ഥാന ദുരന്ത നിവാരണ അതോറിറ്റിയും കേന്ദ്ര കാലാവസ്ഥ വകുപ്പും സൂക്ഷ്മമായി നിരീക്ഷിച്ചു വരികയാണ്.
