കൊറോണ വൈറസിനെതിരെ കുത്തിവയ്പ് നടത്തിയ കൗമാരക്കാര്ക്കും ചെറുപ്പക്കാര്ക്കും ഹൃദയസംബന്ധമായ പ്രശ്നങ്ങള് ഉണ്ടായേക്കാമെന്നു റിപ്പോര്ട്ടുകള്. സെന്റര് ഫോര് ഡിസീസ് കണ്ട്രോള് ഇതു സംബന്ധിച്ച് ആശങ്ക ഉയര്ത്തിയിട്ടുണ്ടെങ്കിലും അത്തരമൊരു മുന്നറിയിപ്പോ ജാഗ്രതാ നിര്ദ്ദേശമോ നല്കിയിട്ടില്ല. അതു കൊണ്ടു തന്നെ വാക്സിനേഷന് സ്വീകരിക്കുന്നവര് സ്വന്തം നിലയ്ക്ക് ആരോഗ്യം കാത്തു സൂക്ഷിക്കണമെന്നാണ് സി.ഡി.സിയുടെ നിര്ദ്ദേശം.
വാക്സിന് എടുത്തതിനു ശേഷം കുറഞ്ഞത് 30 മിനിറ്റെങ്കിലും വിശ്രമവും വിദഗ്ധ നിരീക്ഷണവും നല്ലതാണ്. ഇതിനു ശേഷം മാത്രം വാക്സിന് കേന്ദ്രം വിട്ടു പോകുന്നതാണ് നല്ലതെന്നും സി.ഡി.സി വ്യക്തമാക്കുന്നു.
എന്നാല് ഹൃദ്രോഗ പ്രശ്നങ്ങളെക്കുറിച്ച് സി.ഡി.സി അധികം കാര്യമായി പറയാത്തത് വാക്സിന് സ്വീകരിക്കാത്തവരുടെ മടി വര്ദ്ധിപ്പിച്ചേക്കുമെന്നു ഭയന്നാണെന്നും സൂചനയുണ്ട്. രോഗ നിയന്ത്രണ, പ്രതിരോധ കേന്ദ്രങ്ങള് പരിശോധിക്കുന്നുണ്ടെന്ന് ഏജന്സിയുടെ വാക്സിന് സുരക്ഷാ ഗ്രൂപ്പ് അഭിപ്രായപ്പെടുന്നു.
ഗ്രൂപ്പിന്റെ പ്രസ്താവന വിശദാംശങ്ങളില് കാര്യങ്ങള് വിരളമായിരുന്നു, ‘താരതമ്യേന കുറച്ച്’ കേസുകള് മാത്രമേ ഇങ്ങനെ ഉള്ളൂവെന്നും അവ വാക്സിനേഷനുമായി പൂര്ണമായും ബന്ധമില്ലാത്തതാകാമെന്നും അവര് സൂചിപ്പിക്കുന്നു. അതു കൊണ്ടു തന്നെ രാജ്യവ്യാപകമായ ഇത്തരമൊരു ജാഗ്രതാനിര്ദ്ദേശത്തിനു പ്രസക്തയില്ലെന്നു പറയുന്നു. എങ്കിലും സൂക്ഷിക്കണമെന്ന് മുന്നറിയിപ്പ് ഉണ്ട്. മയോകാര്ഡിറ്റിസ് എന്നറിയപ്പെടുന്ന ഈ അവസ്ഥ ഹൃദയപേശികളിലെ വീക്കം ആണ്, ചില അണുബാധകളെ തുടര്ന്ന് ഇത് സംഭവിക്കാം.
സി.ഡി.സിയുടെ റിപ്പോര്ട്ടുകളുടെ അവലോകനം പ്രാരംഭ ഘട്ടത്തിലാണ്, വാക്സിനുകള് ഹൃദയ അവസ്ഥയ്ക്ക് കാരണമായതിന് എന്തെങ്കിലും തെളിവുണ്ടോ എന്ന് ഏജന്സി ഇതുവരെ സ്ഥിരീകരിച്ചിട്ടില്ല. ഷോട്ടുകള് ലഭിച്ച ചെറുപ്പക്കാര്ക്കിടയില് അസാധാരണമായ ഹൃദയ ലക്ഷണങ്ങളെക്കുറിച്ച് ജാഗ്രത പാലിക്കാന് ഡോക്ടര്മാര്ക്കും ക്ലിനിക്കുകള്ക്കുമായി ഇത് ചില മാര്ഗ്ഗനിര്ദ്ദേശങ്ങള് വെബ്സൈറ്റില് പോസ്റ്റ് ചെയ്തിട്ടുണ്ട്.
