ന്യൂഡൽഹി: മൂന്ന് ക്രിമിനല് കോഡ് ബില്ലുകള്ക്ക് രാഷ്ട്രപതി ദ്രൗപതി മുര്മുവിൻ്റെ അനുമതി.ലോക്സഭയും രാജ്യസഭയും പാസാക്കിയ ബില്ലുകളില് രാഷ്ട്രപതി ഒപ്പുവെച്ചതോടെ ഭാരതീയ ന്യായ സംഹിത, ഭാരതീയ നാഗരിക് സുരക്ഷാ സംഹിത, ഭാരതീയ സാക്ഷ്യ ബില്ല് എന്നിവ ഇതോടെ നിയമമായി.
ഐ.പി.സി, സി.ആര്.പി.സി, ഇന്ത്യന് തെളിവു നിയമം തുടങ്ങിയ നിലവിലുള്ള ഇന്ത്യന് ക്രിമിനല് നിയമങ്ങളെ പൊളിച്ചെഴുതുന്ന ബില്ലുകള്ക്ക് ആണ് രാഷ്ട്രപതിയുടെ അംഗീകാരം ലഭിച്ചത്.
ശീതകാല സമ്മേളനത്തില് അവതരിപ്പിച്ച പുതിയ ബില്ലുകളാണ് സഭകള് പാസാക്കിയത്. പുതിയ നിയമങ്ങള് അനുസരിച്ച് ആള്ക്കൂട്ട ആക്രമണങ്ങള് ക്രിമിനല് കുറ്റമാവും.
ഭരണകൂടത്തിന് എതിരായ പ്രവര്ത്തനങ്ങള് കുറ്റകരമാക്കുന്ന വകുപ്പ് ഒഴിവാക്കി. ഭാരതീയ ന്യായസംഹിതാ ബില്ലില് 150-ാം വകുപ്പ് രാജ്യദ്രോഹത്തെ കുറ്റകൃത്യമമായി നിലനിര്ത്തി. കസ്റ്റഡി കാലാവധി നീട്ടാനുതകുന്ന വ്യവസ്ഥ ഭാരതീയ നാഗരിക് സുരക്ഷാ സംഹിതാ ബില്ലിലുണ്ട്.
കൊളോണിയല് കാലത്തെ ക്രിമിനല് നിയമങ്ങള്ക്ക് മാറ്റം വരുത്തി ഭാരതീയമാക്കാൻ ഉദ്ദേശിച്ചാണ് പൊളിച്ചെഴുത്തെന്ന് കേന്ദ്രം അവകാശപ്പെട്ടിരുന്നു. ഓഗസ്റ്റ് 11ന് കേന്ദ്ര ആഭ്യന്തരമന്ത്രി അമിത് ഷാ ആണ് പാര്ലമെണ്ടില് ആദ്യ ബില്ലുകള് അവതരിപ്പിച്ചത്.
