തിരുവനന്തപുരം: ഈ വർഷത്തെ എസ്.എസ്.എൽ.സി പരീക്ഷാ ഫലം പ്രഖ്യാപിച്ചു. 99.70 ശതമാനമാണ് വിജയശതമാനം. 0.44 ശതമാനം വർധനവാണ് ഉണ്ടായിരിക്കുന്നത്. ആകെ 419128 വിദ്യാർത്ഥികൾ പരീക്ഷ എഴുതിയതിൽ 4,17,864 വിദ്യാർഥികൾ ഉപരിപഠനത്തിന് യോഗ്യത നേടി. അടുത്ത SSLC പരീക്ഷ മാർച്ച് 4 ന് തുടങ്ങുമെന്നും വിദ്യാഭ്യാസ മന്ത്രി അറിയിച്ചു.

68604 വിദ്യാർത്ഥികൾ എല്ലാ വിഷയങ്ങൾക്കും A+ നേടി. കഴിഞ്ഞ വർഷത്തേക്കാൾ 24241 അധികമാണിത്. കണ്ണൂരാണ് വിജയശതമാനം ഏറ്റവും കൂടിയ റവന്യൂ ജില്ല (99.94). വയനാട് ജില്ലയിലാണ് ഏറ്റവും കുറവ് വിജയശതമാനം ( 98.41). നൂറ് ശതമാനം വിജയം നേടിയ രണ്ട് ജില്ലകൾ- പാലാ, മൂവാറ്റുപുഴ.

2960 സെൻ്റെറുകളിലായി 419128 വിദ്യാർത്ഥികളാണ് ഇക്കുറി പരീക്ഷ എഴുതിയത്. 70 ക്യാമ്പുകളിലായാണ് മൂല്യനിർണയം പൂർത്തിയാക്കിയത്. മുഴുവൻ വിദ്യാർത്ഥികളും ഉപരിപഠനത്തിന് അർഹത നേടിയ സർക്കാർ സ്‌കൂളുകളുടെ എണ്ണം- 951

നൂറ് ശതമാനം വിജയം നേടിയ ആകെ സ്‌കൂളുകൾ- 2581

ഏറ്റവും കൂടുതൽ വിദ്യാർത്ഥികൾ പരീക്ഷ എഴുതിയ മലപ്പുറം വി.കെ.എം.എം.എച്ച്.എസ്.എസ് സ്‌കൂളിൽ നൂറ് ശതമാനമാണ് വിജയം.

കഴിഞ്ഞ വർഷങ്ങളിലെ വിജയശതമാന കണക്ക്

2022 – 99.26, 2021 – 99.47, 2020 – 98.82

രണ്ടുവർഷത്തെ ഇടവേളയ്ക്ക് ശേഷം ഗ്രേസ് മാർക്ക് കൂടി ഉൾപ്പെടുത്തിയുള്ള ഫലമാണിത്. ഗ്രേസ് മാർക്ക് നൽകിയതോടെ 24402 വിദ്യാർത്ഥികൾക്ക് എല്ലാ വിഷയത്തിലും എ പ്ലസ് അധികമായി നേടാൻ സാധിച്ചു. ടി.എച്ച്.എസ്.എൽ.സി, ടി.എച്ച്.എസ്.എൽ.സി (ഹിയറിംഗ് ഇംപേർഡ്), എസ്.എസ്.എൽ.സി (ഹിയറിംഗ് ഇംപേർഡ്)
എ.എച്ച്.എസ്.എൽ.സി ഫലവും മന്ത്രി വി.ശിവൻകുട്ടി പ്രഖ്യാപിച്ചു.

സേ പരീക്ഷ- ജൂൺ 7 മുതൽ 14 വരെ നടക്കും. ജൂൺ ആദ്യം മുതൽ വിദ്യാർത്ഥികളുടെ സർട്ടിഫിക്കറ്റുകൾ ഡിജി ലോക്കറിൽ ലഭ്യമാകും.

PRD LIVE മൊബൈൽ ആപ്പിലും www.prd.kerala.gov.in, https://results.kerala.gov.in, https://examresults.kerala.gov.in, https://pareekshabhavan.kerala.gov.in, https://results.kite.kerala.gov.in, https://sslcexam.kerala.gov.in സൈറ്റുകളിലും ലഭിക്കും.

പ​രീ​ക്ഷ​ഫ​ലം ല​ഭി​ക്കു​ന്ന വെ​ബ്​​സൈ​റ്റു​ക​ൾ

www.prd.kerala.gov.in

https://results.kerala.gov.in

https://examresults.kerala.gov.in

https://pareekshabhavan.kerala.gov.in

https://results.kite.kerala.gov.in

https://sslcexam.kerala.gov.in​

കൈ​റ്റി​ൻ്റെ പോ​ര്‍ട്ട​ലും മൊ​ബൈ​ല്‍ ആ​പ്പും എ​സ്.എ​സ്​.എല്‍.​സി ഫ​ല​മ​റി​യാ​ന്‍ www.results.kite.kerala.gov.in എ​ന്ന പ്ര​ത്യേ​ക ക്ലൗ​ഡ​ധി​ഷ്ഠി​ത പോ​ർ​ട്ട​ലി​ന് പുറമെ, ‘സ​ഫ​ലം 2023’ മൊ​ബൈ​ല്‍ ആ​പ്പും, കേ​ര​ള ഇ​ന്‍ഫ്രാ​സ്ട്ര​ക്ച​ര്‍ ആ​ൻ​ഡ്​ ടെ​ക്​​നോ​ള​ജി ഫോ​ര്‍ എ​ജു​ക്കേ​ഷ​ന്‍ (കൈ​റ്റ്) സ​ജ്ജ​മാ​ക്കി. വ്യ​ക്തി​ഗ​ത റി​സ​ൽ​ട്ടി​ന് പു​റ​മെ, സ്‌കൂ​ള്‍- വി​ദ്യാ​ഭ്യാ​സ ജി​ല്ല- റ​വ​ന്യൂ​ജി​ല്ല ത​ല​ങ്ങ​ളി​ലു​ള്ള റി​സ​ൽ​ട്ട്​ അ​വ​ലോ​ക​നം, വി​ഷ​യാ​ധി​ഷ്ഠി​ത അ​വ​ലോ​ക​ന​ങ്ങ​ള്‍, വി​വി​ധ റി​പ്പോ​ര്‍ട്ടു​ക​ൾ തു​ട​ങ്ങി​യ​വ ഉ​ള്‍ക്കൊ​ള്ളു​ന്ന പൂ​ര്‍ണ​മാ​യ വി​ശ​ക​ല​നം പോ​ര്‍ട്ട​ലി​ലും മൊ​ബൈ​ല്‍ ആ​പ്പി​ലും ‘റി​സ​ൽ​ട്ട് അ​നാ​ലി​സി​സ്’​ എ​ന്ന ലി​ങ്ക് വ​ഴി ലോ​ഗി​ന്‍ ചെ​യ്യാ​തെ ​ത​ന്നെ ല​ഭി​ക്കും.