രാജസ്ഥാന് മുഖ്യമന്ത്രി അശോക് ഗെഹ്ലോട്ടിനെതിരെ വീണ്ടും പരസ്യ പോരുമായി കോണ്ഗ്രസ് നേതാവ് സച്ചിന് പൈലറ്റ്. അഴിമതിക്കെതിരെ ചൊവ്വാഴ്ച ഏകദിന നിരാഹാര സമരം നടത്തുമെന്ന് പ്രഖ്യാപിച്ചു. വസുന്ധര രാജെയുടെ നേതൃത്വത്തിലുള്ള മുന് ബി.ജെ.പി സര്ക്കാരിൻ്റെ അഴിമതിക്കെതിരെ അശോക് ഗെഹ്ലോട്ട് സര്ക്കാര് നടപടിയെടുക്കണമെന്നാണ് ആവശ്യം.
2018ലെ നിയമസഭാ തെരഞ്ഞെടുപ്പിന് മുന്പ് ജനങ്ങള്ക്ക് നല്കിയ വാഗ്ദാനങ്ങള് കോണ്ഗ്രസ് സര്ക്കാര് പാലിക്കണമെന്ന് സച്ചിന് പൈലറ്റ് ആവശ്യപ്പെട്ടു. ലഹരി മാഫിയ, അനധികൃത ഖനനം, ഭൂമി കയ്യേറ്റം എന്നിവയ്ക്കെതിരെ നടപടിയെടുക്കുന്നതില് സര്ക്കാര് പരാജയപ്പെട്ടെന്നും സച്ചിന് പൈലറ്റ് കുറ്റപ്പെടുത്തി.
വസുന്ധരരാജെ സിന്ധ്യക്കെതിരെ അഴിമതി ആരോപണം ഉന്നയിച്ച ഗെഹ്ലോട്ടിൻ്റെ പഴയ വീഡിയോ സച്ചിന് പൈലറ്റ് വാര്ത്താസമ്മേളനത്തില് കാണിച്ചു. എന്തുകൊണ്ട് ഗെഹ്ലോട്ട് ഇക്കാര്യങ്ങളില് അന്വേഷണം നടത്തിയില്ലെന്നും സച്ചിന് പൈലറ്റ് ചോദിച്ചു. മുന് ബി.ജെ.പി സര്ക്കാരിനെതിരെ കോണ്ഗ്രസ് സര്ക്കാരിൻ്റെ പക്കല് തെളിവുകള് ഉണ്ടെന്നും എന്നിട്ടും ഒരു നടപടിയുമെടുത്തില്ലെന്നും സച്ചിന് പൈലറ്റ് ആരോപിച്ചു.
