കേരളത്തിലെ അടുത്ത നിയമസഭ തെരഞ്ഞെടുപ്പില് മുസ്ലീം ലീഗിന് കുടുതല് സീറ്റ് നല്കണമെന്ന് കെ.മുരളീധരന് എം.പി. മുന്നണി വിട്ട കേരള കോണ്ഗ്രസ് എം അടക്കമുള്ള കക്ഷികളുടെ സീറ്റ് വീതം വെയ്ക്കുമ്പോള് ലീഗ് അടക്കമുള്ള കക്ഷികള്ക്ക് സീറ്റ് നല്കണമെന്നും അദ്ദേഹം പറഞ്ഞു. തദ്ദേശ തെരഞ്ഞെടുപ്പിലെ തോല്വി യു.ഡി.എഫിന് കിട്ടിയ ഷോക്ക് ട്രീറ്റ്മെന്റ് ആണെന്നും കെ.മുരളീധരന് പറഞ്ഞു.
മുന്നണിക്ക് പുറത്തുള്ള വരുമായി നിയമസഭ തെരഞ്ഞെടുപ്പില് ധാരണ ഉണ്ടാവില്ലെന്നും അദ്ദേഹം അഭിപ്രായപ്പെട്ടു. സിറ്റിംഗ് എം.എല്.എമാര്ക്ക് തെരഞ്ഞെടുപ്പില് സീറ്റ് നൽകണം. നാല് തവണയില് കൂടുതല് മത്സരിച്ച് വിജയിച്ചവര്ക്ക് സീറ്റ് നല്കുന്നതില് തെറ്റില്ല. തെരഞ്ഞെടുപ്പില് യുവാക്കള്ക്കും സ്ത്രീകള്ക്കും പ്രാതിനിധ്യം വേണമെന്നും അദ്ദേഹം പറഞ്ഞു.
