സൂര്യയെ നായകനാക്കി പാണ്ഡിരാജ് സംവിധാനം ചെയ്ത ആക്ഷന് ത്രില്ലര് ചിത്രം എതര്ക്കും തുനിന്തവന് തിയറ്ററുകളിൽ എത്തിക്കഴിഞ്ഞു. ചിത്രത്തെ അഭിനന്ദിച്ചു കൊണ്ട് രംഗത്തെത്തിയിരിക്കുകയാണ് നടി മീരാ ജാസ്മിൻ.‘എതിര്ക്കും തുനിന്തവന്- കംപ്ലീറ്റ് കൊമേഷ്യല് പാക്കേജ്, സൂര്യ- മാന് ഓഫ് മാസ്, പ്രിയപ്പെട്ട പാണ്ഡിരാജ് ആശംസകള്’ എന്നാണ് മീര ട്വിറ്ററില് കുറിച്ചത്.
പിന്നാലെ കമന്റുമായി മീരയുടെ തമിഴ് ആരാധകരും എത്തി. തമിഴ് ചിത്രത്തിലേക്ക് ഇനി എന്നാകും അഭിനയിക്കുന്നതെന്നാണ് ഭൂരിഭാഗം പേരും ചോദിക്കുന്നത്. അതേസമയം, സത്യന് അന്തിക്കാടിൻ്റെ മകള് എന്ന ചിത്രത്തിലൂടെ ആറു വര്ഷങ്ങള്ക്കുശേഷം മലയാളത്തില് നായികയായി എത്താന് ഒരുങ്ങുകയാണ് മീര ജാസ്മിന്. ജയറാമാണ് ചിത്രത്തില് നായകന്.
‘ കഥ തുടരുന്നു’ എന്ന ചിത്രത്തിനു ശേഷം ജയറാം നായകനാവുന്ന സത്യന് അന്തിക്കാട് ചിത്രത്തിൽ നായിക ആകുന്നത് മീര ജാസ്മിന് ആണ്. 13 വര്ഷത്തെ ഇടവേളയ്ക്കു ശേഷമാണ് മീര ജാസ്മിന് ഒരു സത്യന് അന്തിക്കാട് ചിത്രത്തില് അഭിനയിക്കുന്നത്.
