സംസ്ഥാനം കടുത്ത സാമ്പത്തിക പ്രതിസന്ധി തരണചെയ്യുന്നതിനാല് വീണ്ടും സാലറി ചലഞ്ച് ആഹ്വാനം ചെയ്ത് മുഖ്യമന്ത്രി പിണറായി വിജയന്. പ്രത്യേക കാലഘട്ടത്തില് ജീവനക്കാര് സഹായിക്കണമെന്നതിനാല് സര്ക്കാര് ജീവനക്കാര് ഒരു മാസത്തെ ശമ്പളം നല്കണമെന്ന് മുഖ്യമന്ത്രി പറഞ്ഞു. ജീവനക്കാരുടെ സംഘടനകളുമായി മുഖ്യമന്ത്രി ചര്ച്ച നടത്തി. മുഖ്യമന്ത്രി ഇന്ന് വിളിച്ചുചേര്ത്ത സര്വീസ് സംഘടനാ നേതാക്കന്മാരുടെ യോഗത്തിലാണ് പുതിയ നിര്ദേശം മുന്നോട്ടു വെച്ചത്.
സൗജന്യ റേഷന് വിതരണത്തിനും മറ്റ് പ്രാഥമിക സൗകര്യങ്ങള് ഒരുക്കുന്നതിലേക്കുമായി കോടിക്കണക്കിന് രൂപയാണ് അധികമായി കണ്ടെത്തേണ്ടത്. ഈ സാഹചര്യത്തിലാണ് സഹായം അഭ്യര്ത്ഥിക്കുന്നതെന്ന് മുഖ്യമന്ത്രി യോഗത്തില് പറഞ്ഞു. മുഖ്യമന്ത്രിയുടെ നിര്ദ്ദേശത്തോടെ പൊതുവേ സര്വീസ് സംഘടനകള് അനുകൂല നിലപാടാണ് സ്വീകരിച്ചത്.
അതേസമയം, ഇത് നിര്ബന്ധിത പിരിവിലേക്ക് മാറരുത് എന്ന് പ്രതിപക്ഷ സര്വീസ് സംഘടനകള് ആവശ്യപ്പെട്ടു. താഴെ തട്ടിലുള്ള ജീവനക്കാരെ ഇതില് നിന്ന് ഒഴിവാക്കണമെന്നും പ്രതിപക്ഷ എന്.ജി.ഒ അസോസിയേഷന് ആവശ്യപ്പെട്ടു.
