
മുഖ്യമന്ത്രി ഉടൻ കേരളത്തിൽ തിരിച്ചെത്തണമെന്ന ആവശ്യവുമായി രമേശ് ചെന്നിത്തല എം.എൽ.എ . തിരിച്ചെത്തിയശേഷം മുഖ്യമന്ത്രി കോവിഡ് പ്രതിരോധ പ്രവർത്തനങ്ങൾക്ക് നേതൃത്വം നൽകണമെന്നും അദ്ദേഹം ആവശ്യപ്പെട്ടു. അമേരിക്കയിലെ ചികിത്സ കഴിഞ്ഞ് അദ്ദേഹം ഒൻപത് ദിവസം യു.എ.ഇയിൽ തങ്ങുന്നത് എന്തിനാണെന്നും അദ്ദേഹം ചോദിച്ചു.

അമേരിക്കയിലെ ചികിത്സയ്ക്ക് ശേഷം ശനിയാഴ്ച പുലർച്ചെയാണ് മുഖ്യമന്ത്രി ദുബായിയിൽ എത്തിയത്. ഒരാഴ്ചയോളം യു.എ.ഇ സന്ദർശിച്ച ശേഷം മാത്രമേ അദ്ദേഹം മടങ്ങിയെത്തുകയുള്ളൂ. ദുബായി എക്സ്പോയിലെ കേരള പവലിയന്റെ ഉദ്ഘാടനവും മുഖ്യമന്ത്രി നിർവഹിക്കും.
അബുദാബി, ഷാർജ ഭരണാധികാരികളുമായി കൂടിക്കാഴ്ച നടത്തുന്നുണ്ട്. ഫെബ്രുവരി ഏഴിനു തിരുവനന്തപുരത്തു മടങ്ങിയെത്തുമെന്നാണു ലഭിക്കുന്ന വിവരം.
