ടുണീഷ്യക്കെതിരായ ഗ്രൂപ്പ് ഡി മത്സരത്തില് ഓസ്ട്രേലിയക്ക് ഒരു ഗോളിൻ്റെ ജയം.ഇരു ടീമുകള്ക്കും ഏറെ നിര്ണായകമായ പോരാട്ടത്തില് 23ാം മിനിറ്റില് മിച്ച് ഡ്യൂക്ക് ഹെഡറിലൂടെ സോക്കറൂസിനായി വിജയഗോള് നേടുകയായിരുന്നു.ടുണീഷ്യക്കും മത്സരത്തില് നിരവധി അവസരങ്ങള് ലഭിച്ചെങ്കിലും ഗോളാക്കി മാറ്റാന് കഴിഞ്ഞില്ല.
71ാം മിനിറ്റില് ലീഡുയര്ത്താനുള്ള സുവര്ണാവസരം ഓസ്ട്രേലിയ നഷ്ടപ്പെടുത്തുകയും ചെയ്തു. മത്സരത്തിൻ്റെ അവസാന നിമിഷങ്ങളില് ഗോള് മടക്കാന് ടുണീഷ്യ നിരയ്ക്ക് സാധിച്ചില്ല. ലോകകപ്പില് ഹെഡ്ഡറിലൂടെ ഗോള് നേടുന്ന രണ്ടാമത്തെ ഓസ്ട്രേലിയന് താരമാണ് ഡ്യൂക്ക്. മുമ്പ് രണ്ട് വട്ടം ടിം കാഹിലാണ് ലോകകപ്പില് ഓസ്ട്രേലിയക്ക് വേണ്ടി ഹെഡ്ഡര് ഗോള് നേടിയിട്ടുള്ളത്.
