നടൻ കുഞ്ചാക്കോ ബോബന് കോടതി വാറന്റ് പുറപ്പെടുവിച്ചു. നടിയെ ആക്രമിച്ച കേസുമായി ബന്ധപ്പെട്ട് സാക്ഷി വിസ്താരത്തിനു ഹാജരാകാത്തതിനാൽ ആണ് നടപടി. മാർച്ച് 4ന് ഹാജരാകണം എന്നാണ് നിർദേശം. അഡീഷണല് സെഷന്സ് ജഡ്ജ് ഹണി എം.വര്ഗീസ് അറസ്റ്റ് വാറന്റ് പുറപ്പെടുവിച്ചത്. ഹൗ ഓള്ഡ് ആര് യു എന്ന സിനിമയില് ആക്രമിക്കപ്പെട്ട നടിയെയും അഭിനയിപ്പിക്കുവാന് ആദ്യം തീരുമാനിച്ചിരുന്നു. എന്നാല് പിന്നീട് അവരെ ഒഴിവാക്കി.
നടിയെ ഒഴിവാക്കണമെന്ന് ദിലീപ് തന്നോട് ആവശ്യപ്പെട്ടിരുന്നതായി കുഞ്ചാക്കോ ബോബന് നേരത്തെ പോലീസിന് മൊഴി നല്കിയിരുന്നു. ഗീതു മോഹന്ദാസ്, സംയുക്ത വര്മ, കുഞ്ചാക്കോ ബോബന് എന്നിവരെയാണ് ഇന്നലെ വിസ്തരിക്കേണ്ടിയിരുന്നത്. കേസില് യാഥാക്രമം 14, 15, 16 സാക്ഷികളാണ് ഇവര്. ഗീതു മോഹന്ദാസിന്റെ വിസ്താരം വൈകിട്ട് നാലേകാല് വരെ നീണ്ടു. പ്രോസിക്യൂഷന് ഒന്നര മണിക്കൂറാണ് ഗീതുവിനെ വിസ്തരിച്ചത്.
