ഭാര്യയായിരുന്ന സുനന്ദ പുഷ്ക്കറിൻ്റെ മരണത്തിലെ വിചാരണ നടപടികളിൽ നിന്ന് കോൺഗ്രസ് നേതാവും എംപിയുമായ ശശി തരൂരിനെ ഒഴിവാക്കിയതിനെതിരെ ഡൽഹി പൊലീസ് ഹൈക്കോടതിയെ സമീപിച്ചു. സുനന്ദ പുഷ്കറിൻ്റെ മരണവുമായി ബന്ധപ്പെട്ട കേസില് ശശി തരൂരിനെതിരെ കൊലക്കുറ്റം ചുമത്തിയില്ലെങ്കില് ആത്മഹത്യാപ്രേരണ, ഗാര്ഹികപീഡന കുറ്റങ്ങള് ചുമത്തണമെന്നായിരുന്നു ഡല്ഹി പൊലീസ് വിചാരണ കോടതിയില് ആവശ്യപ്പെട്ടിരുന്നത്.
സുനന്ദ പുഷ്കര് ആത്മഹത്യ ചെയ്തു എന്നതിന് തെളിവില്ലെന്നാണ് ദില്ലി കോടതിയുടെ 176 പേജുള്ള ഉത്തരവിൽ പറയുന്നത്. ആത്മഹത്യ സ്ഥിരീകരിച്ചാൽ പോലും ശശി തരൂരിനെ വിചാരണ ചെയ്യാനുള്ള തെളിവില്ലെന്നാണ് കഴിഞ്ഞ വർഷം പുറപ്പെടുവിച്ച ഉത്തരവിൽ കോടതി പറഞ്ഞത്.
സി.ബി.ഐ. കോടതിയുടെ വിധിക്കെതിരേ പതിനഞ്ച് മാസങ്ങള്ക്ക് ശേഷമാണ് അപ്പീല് ഫയല് ചെയ്തതെന്ന് തരൂരിന് വേണ്ടി ഹാജരായ സീനിയര് അഭിഭാഷകന് വിനോദ് പഹ്വ ഹൈക്കോടതിയില് ചൂണ്ടിക്കാട്ടി.
