കൊ​ച്ചി/ കണ്ണൂർ: മധുരയിലെ പരിപാടിക്ക് ശേഷം പ്ര​ധാ​ന​മ​ന്ത്രി ന​രേ​ന്ദ്ര മോ​ദി കൊ​ച്ചി​യി​ലെ​ത്തി. ഉ​ച്ച​ക​ഴി​ഞ്ഞ് 2.10ന് ​നാ​വി​കസേ​ന വി​മാ​ന​ത്താ​വ​ള​ത്തി​ലെ​ത്തി​യ അ​ദ്ദേ​ഹ​ത്തെ ഗ​വ​ര്‍​ണ​ര്‍ പി.​സ​ദാ​ശി​വം, കേന്ദ്രമന്ത്രി അല്‍ഫോന്‍സ് കണ്ണന്താനം, മ​ന്ത്രി വി​എ​സ് സു​നി​ല്‍​കു​മാ​ര്‍ തു​ട​ങ്ങി​യ​വ​ര്‍ സ്വീ​ക​രി​ച്ചു. ഈ സമയം മുഖ്യമന്ത്രിക്ക് എത്തിച്ചേരാൻ സാധിച്ചില്ല. കണ്ണൂരിൽ നിന്നും നാവികസേനാ വിമാനത്തിൽ കൊച്ചിയിൽ എത്തേണ്ടതായിരുന്നു മുഖ്യമന്ത്രി.

എന്നാൽ വിമാന തകരാർ കാരണം പറന്നുയർന്ന വിമാനം തിരിച്ചിറക്കുകയാണുണ്ടായത്. ഇതോടെ പിണറായി പ്രധാനമന്ത്രിയുടെ പരിപാടിയിൽ പങ്കെടുക്കുന്ന കാര്യത്തിൽ സംശയമായി. എന്നാൽ മുഖ്യമന്ത്രിയുടെ യാത്രക്ക് ഹെലികോപ്റ്റർ ഏർപ്പെടുത്തി കൊച്ചിയിലെ പരിപാടിയിൽ കൃത്യസമയത്ത് എത്തിക്കുന്നതിൽ ഉദ്യോഗസ്ഥർ മിടുക്ക് കാട്ടി. ഇതോടെ ആശയകുഴപ്പം മാറി, മുഖ്യമന്ത്രിയും പ്രധാനമന്ത്രയിയും ഒരേ വേദയിൽ ഒരേസമയം പങ്കെടുത്തു.

കൊ​ച്ചി​യി​ലും തൃ​ശൂ​രി​ലു​മാ​യി ര​ണ്ടു ച​ട​ങ്ങു​ക​ളിൽ പങ്കെടുക്കാനാണ് പ്ര​ധാ​ന​മ​ന്ത്രി ഇന്ന് കേരളത്തിലെത്തിയത്. ആ​ദ്യം കൊ​ച്ചി​ന്‍ റി​ഫൈ​ന​റി​യി​ലെ പ​രി​പാ​ടി​യി​ല്‍ പ​ങ്കെ​ടുത്ത അ​ദ്ദേ​ഹം ഉ​ച്ച​ക​ഴി​ഞ്ഞ് മൂ​ന്നി​ന് തൃ​ശൂ​രി​ലേ​ക്ക് യാത്ര പുറപ്പെട്ടു. തൃ​ശൂ​രി​ല്‍ തേ​ക്കി​ന്‍​കാ​ട് മൈ​താ​ന​ത്തെ യു​വ​മോ​ര്‍​ച്ച പ​രി​പാ​ടി​യി​ല്‍ പ​ങ്കെ​ടു​ക്കു​ന്ന പ്ര​ധാ​ന​മ​ന്ത്രി വൈ​കി​ട്ട് ആ​റി​ന് തി​രി​കെ കൊ​ച്ചി​ വഴി ഡ​ല്‍​ഹി​ക്ക് മ​ട​ങ്ങും.