മഴക്കെടുതിയെ തുടര്ന്ന് നാളെ ഒമ്പത് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. വയനാട്, കണ്ണൂര്, കോഴിക്കോട്, മലപ്പുറം, തൃശ്ശൂര്, എറണാകുളം, കോട്ടയം, ഇടുക്കി, ആലപ്പുഴ ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കുമാണ് നാളെ അവധി. എറണാകുളം ജില്ലയില് നാളെ യെല്ലോ അലര്ട്ടാണെങ്കിലും മഴ ശക്തമാകാനുള്ള സാധ്യത തള്ളിക്കളയാനാവില്ലെന്നും അതിനാലാണ് അവധിയെന്നും കളക്ടര് എസ്. സുഹാസ് പറഞ്ഞു.
പ്രൊഫഷണല് കോളേജുകള് അടക്കമുള്ളവയ്ക്കാണ് അവധി. എല്ലാ സിലബസിലുള്ള സ്കൂളുകള്ക്കും കേന്ദ്രീയ വിദ്യാലയങ്ങള്ക്കും അങ്കണവാടികള്ക്കും അവധിയായിരിക്കുമെന്നും അദ്ദേഹം ഫേസ്ബുക്ക് പോസ്റ്റില് വ്യക്തമാക്കി. കോഴിക്കോട്ട് കേന്ദ്രീയ വിദ്യാലയങ്ങള്ക്കും അങ്കണവാടികള്ക്കും മദ്രസകള്ക്കും അവധി ബാധകമാണ്. നാളെ ജില്ലയില് റെഡ് അലര്ട്ടാണ്.
