കാസര്‍കോട്: ഓണ്‍ലൈന്‍ മീഡിയ എന്ന പേരില്‍ ചിലര്‍ ബ്ലാക്ക് മെയിലിങ് മാധ്യമ പ്രവര്‍ത്തനം നടത്തുന്നുവെന്ന പരാതി വ്യാപകമാണെന്നും ഇതേ കുറിച്ച് അന്വേഷിക്കണമെന്നും കേരള പത്രപ്രവര്‍ത്തക യൂണിയന്‍ (കെ.യു.ഡബ്ല്യു.ജെ) ജില്ലാ വാര്‍ഷിക ജനറല്‍ ബോഡി യോഗം ആവശ്യപ്പെട്ടു. സംസ്ഥാന കമ്മിറ്റി അംഗം പി.സുരേശന്‍ ഉദ്ഘാടനം ചെയ്തു . പ്രസിഡണ്ട് ടി.എ.ഷാഫി അധ്യക്ഷത വഹിച്ചു. സെക്രട്ടറി വിനോദ് പായം പ്രവര്‍ത്തന റിപ്പോര്‍ട്ട് അവതരിപ്പിച്ചു. ജോ. സെക്രട്ടറി കെ.വി. പത്മേഷ് കണക്ക് അവതരിപ്പിച്ചു. വൈസ് പ്രസിഡണ്ട് ഷഫീഖ് നസറുള്ള, രവീന്ദ്രന്‍ രാവണേശ്വരം, മുഹമ്മദ് ഹാഷിം, സി.എസ്. നാരായണന്‍ കുട്ടി, വിനോയ് മാത്യു, രവി നായ്ക്കാപ്പ്, അബ്ദുല്‍ റഹ് മാന്‍ ആലൂര്‍, ഒ.വി. സുരേഷ്, എ.പി. വിനോദ് , കെ. ഗംഗാധര ചര്‍ച്ചയില്‍ പങ്കെടുത്ത് സംസാരിച്ചു. എക്‌സിക്യൂട്ടീവ് കമ്മിറ്റി അംഗങ്ങളായ ഷാഫി തെരുവത്ത്, അബ്ദുല്ലക്കുഞ്ഞി ഉദുമ, പുരുഷോത്തമ പെര്‍ള തുടങ്ങിയവര്‍ സംബന്ധിച്ചു.