കാസര്കോട്: ദേശീയ പൗരത്വ ഭേദഗതിക്കെതിരേ നടത്തിയ പ്രതിഷേധം അക്രമാസക്തമായതിനെ തുടര്ന്ന് മംഗളൂരുവിലേക്കുള്ള കെ.എസ്.ആര്.ടി.സി സര്വീസുകള് നിര്ത്തി. മംഗളൂരു ഉള്പ്പെടെയുള്ള ദക്ഷിണ കന്നഡ ജില്ലകളിലേക്കുള്ള സര്വീസുകളാണ് നിര്ത്തിവച്ചത്. സ്വകാര്യ ബസുകള് കാസര്കോട് അതിര്ത്തിയില് സര്വീസ് അവസാനിപ്പിക്കുകയാണ്.
വെള്ളിയാഴ്ച, കാസര്കോട് ഹൊസങ്കടിയില് കെ.എസ്.ആര്.ടി.സി ബസിന് നേരെയുണ്ടായ കല്ലേറില് ഡ്രൈവര്ക്ക് ഗുരുതരമായി പരിക്കേറ്റിരുന്നു. അതേസമയം, മംഗളൂരുവില് നടക്കുന്ന പ്രതിഷേധങ്ങളുടെ പശ്ചാത്തലത്തില് കേരളത്തില് ജാഗ്രത നിര്ദ്ദേശം നല്കിയിട്ടുണ്ട്. കാസര്കോട്, കണ്ണൂര്, വയനാട്, കോഴിക്കോട് ജില്ലകള്ക്കാണ് ഡി.ജി.പി ജാഗ്രതാ നിര്ദ്ദേശം നല്കിയത്.
