കൊച്ചി: അ​ങ്ക​മാ​ലി: ന​ടി​യെ തട്ടിക്കൊണ്ടുപോയി ആ​ക്ര​മി​ച്ച കേ​സി​ൽ നടന്‍ ദിലീപ് ഇന്ന് കോടതിയില്‍ ഹാജരാകില്ല. ഷൂ​ട്ടി​ങ്ങു​ള്ള​തി​നാ​ൽ ചൊ​വ്വാ​ഴ്​​ച കോ​ട​തി​യി​ൽ ഹാ​ജ​രാ​കാ​നാ​കി​ല്ലെ​ന്ന്​ കാ​ണി​ച്ച്​ ദി​ലീ​പ്​ വെ​ള്ളി​യാ​ഴ്​​ച ന​ൽ​കി​യ അ​പേ​ക്ഷ കോ​ട​തി അം​ഗീ​ക​രി​ക്കു​ക​യാ​യി​രു​ന്നു. ഇതിനെ തുടര്‍ന്നാണ്‌ ദിലീപ് ഇന്ന് കോടതിയില്‍ എത്താത്തത്. ദി​ലീ​പ്​ ഒ​ഴി​കെ​ മു​ഴു​വ​ൻ പ്ര​തി​ക​ളും ചൊ​വ്വാ​ഴ്​​ച അ​ങ്ക​മാ​ലി കോ​ട​തി​യി​ൽ ഹാ​ജ​രാ​കും. ദി​ലീ​പും കേ​സി​ലെ പ്ര​ധാ​ന പ്ര​തി​യാ​യ പ​ൾ​സ​ർ സു​നി​യും ത​മ്മി​ൽ നേ​രി​ൽ കാ​ണു​ന്ന സാ​ഹ​ച​ര്യം​ ഇ​തോ​ടെ​ ഒ​ഴി​വാ​യി.

നി​ല​വി​ലെ ജാ​മ്യം തു​ട​രാ​ൻ​ ദി​ലീ​പ്​ ന​ൽ​കി​യ അ​പേ​ക്ഷ​യും കോ​ട​തി അ​നു​വ​ദി​ച്ചി​രു​ന്നു. ന​വം​ബ​ർ 22ന്​ ​അ​ന്വേ​ഷ​ണ ഉ​ദ്യോ​ഗ​സ്​​ഥ​ർ സ​മ​ർ​പ്പി​ച്ച അ​നു​ബ​ന്ധ കു​റ്റ​പ​ത്രം കോ​ട​തി സ്വീ​ക​രി​ച്ച​തി​നെ​ത്തു​ട​ർ​ന്നാ​ണ്​ കേ​സി​ലെ 12 പ്ര​തി​ക​ൾ​ക്കും കു​റ്റ​പ​ത്രം വാ​യി​ച്ച്​ കേ​ൾ​പ്പി​ക്കാ​ൻ കോ​ട​തി സ​മ​ൻ​സ്​ അ​യ​ച്ച​ത്. ജാമ്യത്തില്‍ ഇറങ്ങിയ ശേഷം തനിക്കെതിരെയുള്ള കുറ്റപത്രം പോലീസ് മാധ്യമങ്ങള്‍ക്ക് ചോര്‍ത്തി നല്‍കി എന്ന് ആരോപിച്ചുകൊണ്ട്‌ ദിലീപ് കോടതിയെ സമീപിച്ചിരുന്നു. കോടതി കേസ് പരിഗണിച്ചപ്പോള്‍ ദിലീപ് തന്നെയാണ് കുറ്റപത്രം മാധ്യമങ്ങള്‍ക്ക് ചോര്‍ത്തി നല്‍കിയതെന്നും ദിലീപ് ഹരിശ്ചന്ദ്രന്‍ ഒന്നുമല്ല എന്ന നിലപാടാണ് പ്രോസിക്യൂഷന്‍ സ്വീകരിച്ചത്.