ചൈനയില്നിന്ന് എത്തിയ വിദ്യാര്ത്ഥികളെ പരിശോധിച്ച ഡോക്ടര് കൊറോണ സംശയത്തെ തുടര്ന്ന് നിരീക്ഷണത്തില്. കാഞ്ഞങ്ങാട്ടു സ്വദേശിനിയായ വനിത ആയുര്വേദ ഡോക്ടറെയാണ് കാഞ്ഞങ്ങാട്ടെ ജില്ലാ ആശുപത്രിയിലെ ഐസൊലേഷന് വാര്ഡില് പ്രവേശിപ്പിച്ചത്.
വനിതാ ഡോക്ടര് അടക്കം നിലവില് ജില്ലയില് ഐസൊസലേഷന് വാര്ഡില് ആകെ നാലു പേരാണ് ചികിത്സയിലുള്ളത്. ഇതില് ഒരാളുടെ പരിശോധനാ ഫലം പോസിറ്റീവാണെന്ന് നേരത്തെ റിപ്പോര്ട്ട് വന്നിരുന്നു. ബംഗളുരുവിലെ ആയുര്വേദ ആശുപത്രിയില് ഡോക്ടറാണ് ഇവര്. ഏതാനും ദിവസം മുമ്പ് ഇവര് ചൈനയിലെ വുഹാനില് നിന്നെത്തിയ രണ്ടു വിദ്യാര്ത്ഥികളെ ബംഗളുരുവിലെ ആശുപത്രിയില് പരിശോധിച്ചിരുന്നു.
കഴിഞ്ഞ ദിവസം കാഞ്ഞങ്ങാട്ടെ വീട്ടിലെത്തിയപ്പോള് ജലദോഷവും നേരിയ പനിയുമുണ്ടായെന്നു ഡോക്ടര് ജില്ലാ ആരോഗ്യവകുപ്പ് അധികാരികളെ അറിയിച്ചു. ഇതേത്തുടര്ന്ന് ഇവരുടെ രക്തവും തൊണ്ടയിലെ സ്രവവും എടുത്തു പരിശോധനയ്ക്കയച്ചു.
