കാഞ്ഞങ്ങാട്: നിരോധിത പുകയില ഉത്പന്നങ്ങളും പാന്‍മസാലകളും വില്പന നടത്തുന്ന യുവാവിനെ പിടികൂടി. ഉത്തര്‍പ്രദേശ് സ്വദേശി വകീലി(39)നെയാണ് ഹൊസ്ദുര്‍ഗ് എക്സൈസ് സംഘം പിടികൂടിയത്. കോട്ടച്ചേരിയിലെ കെട്ടിടത്തില്‍ വില്‍പന നടത്തിനെത്തിയ ഉടനെയാണ് അറസ്റ്റിലായത്. ഓണക്കാല വില്‍പ്പന ലക്ഷ്യമിട്ട് കര്‍ണാടകയില്‍നിന്നും എത്തിച്ചതാണ് ഈ ഉത്പന്നങ്ങളെന്ന് കരുതുന്നു. ഹൊസ്ദുര്‍ഗ് എക്സൈസ് ഇന്‍സ്പെക്ടര്‍ ടി.ആര്‍.ഹരിനന്ദനും പ്രീവന്റീവ് ഓഫീസര്‍മാരായ പി.മോഹനന്‍, എം.അനില്‍കുമാര്‍, സിവില്‍ എക്സൈസ് ഓഫീസര്‍മാരായ എം.പി.സുധീന്ദ്രന്‍, വി.വഞ്ജുനാഥന്‍, മഞ്ജുനാഥ ആല്‍വ, ഡ്രൈവര്‍ സുമോദ് എന്നിവരുമടങ്ങിയ സംഘമാണ് റെയിഡിന് നേതൃത്വം നല്‍കിയത്.