കോഴിക്കോട്: നമ്മുടെ രാജ്യം ഇപ്പോള്‍ ഭരിക്കുന്നത് മുൻപ് ഇന്ത്യ ഭരിച്ചിരുന്ന ബ്രിട്ടീഷുകാരുടെ ചെരുപ്പുനക്കികളാണെന്ന് ഭരണപരിഷ്‌ക്കാര കമ്മീഷൻ ചെയർമാൻ വി.എസ് അച്യുതാനന്ദൻ. ഹിന്ദുത്വ ആശയങ്ങളും നയങ്ങളും നടപ്പിൽ വരുത്തുകയും ചെയ്യുന്ന ആർ.എസ്.എസ് വിധേയനായ ഭരണാധികാരിയാണ് പ്രധാനമന്ത്രി നരേന്ദ്രമോഡിയെന്നും വി.എസ്. കൂട്ടിച്ചേർത്തു. കോഴിക്കോട് മണ്ഡലത്തിലെ മാ​ത്തോ​ട്ട​ത്ത് എ​ൽ.ഡി.എ​ഫ് തെ​ര​ഞ്ഞെ​ടു​പ്പ് പ്ര​ചാ​ര​ണ പൊ​തു​യോ​ഗം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

രാജ്യം ഭരിക്കാൻ ഒരു യോഗ്യതയും ഇല്ലാത്തവരാണ് ഇപ്പോൾ അധികാരത്തിലുള്ളത്. ഇത്തരത്തില്‍ ഒരു വിഷമകരമായ അവസ്ഥയിലാണ് ലോക്സഭാ തെരഞ്ഞെടുപ്പ് നടക്കുന്നതെന്നും വി.എസ്. പറഞ്ഞു. അ​തി​നാ​ൽ നി​ർ​ണാ​യ​ക വി​ധി​യെ​ഴു​ത്തി​ന് ത​യാ​റാ​ക​ണം. പ​ശു​വി​​ന്‍റെ പേ​രി​ൽ 24 മു​സ്‌​ലീങ്ങ​ളെ കൊ​ല​ചെ​യ്തി​ട്ടും ഒ​ര​ക്ഷ​രം ഉ​രി​യാ​ടാ​ത്ത പ്ര​ധാ​ന​മ​ന്ത്രി​ക്ക് ഇ​ന്ത്യയിലെ ജനങ്ങൾ അർഹിക്കുന്ന ശിക്ഷ നൽകണം. വി.എസ്. അച്യുതാനന്ദൻ പറഞ്ഞു.

ഈ രാജ്യത്ത് മതേതരമായി ചിന്തിക്കുന്ന പ്രസ്ഥാനം ഒന്നു മാത്രമേ ഉള്ളു എന്നും അത് ഇടതുപക്ഷം ആണെന്നും വി.എസ് പറഞ്ഞു. ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ ത​ള്ളി​പ്പ​റ​യു​ക​യും മു​ഖ​വി​ല​ക്കെ​ടു​ക്കാ​തെ അ​വ​മ​തി​ക്കു​ക​യും ഭീ​ഷ​ണി​പ്പെ​ടു​ത്തി ചൊ​ൽ​പ്പ​ടി​യി​ൽ നി​ർ​ത്താ​ൻ ശ്ര​മി​ക്കു​ക​യും ചെ​യ്യു​ന്ന ബി.ജെ.പി. ഭ​ര​ണം അ​വ​സാ​നി​പ്പി​ക്കാ​നു​ള്ള അ​വ​സാ​നത്തെ അവസരമാണ് ഇതെന്നും വി.എസ്. ഓർമ്മപ്പെടുത്തി.