ഹൈദരാബാദ്: ആന്ധ്രപ്രദേശിലെ ചിറ്റൂരില് വാഹനാപകടത്തില് നാല് മലയാളികള് മരിച്ചു. ബദ്വീര് ഗെട്ടി, മഞ്ചപ്പ ഗെട്ടി, സദാശിവം, ഗിരിജ എന്നിവരാണ് മരിച്ചത്. പരിക്കേറ്റ നാലു പേരില് ഒരാളുടെ നില ഗുരുതരമാണെന്നാണ് വിവരം. കുമ്പള സ്വദേശികളാണ് നാലു പേരും.
രാവിലെ നാലുമണിക്ക് ആന്ധ്രപ്രദേശിലെ ചിറ്റൂരിനടുത്ത് വച്ചാണ് അപകടം. ഇവർ സഞ്ചരിച്ചിരുന്ന മഹീന്ദ്ര സൈലോകാറിൽ സ്വകാര്യ ബസ് ഇടിക്കുകയായിരുന്നു. കാറിന്റെ പിറകുവശത്തിരുന്നവരാണ് മരിച്ചത്. പരിക്കേറ്റവരെ സമീപത്തെ ആസ്പത്രിയില് പ്രവേശിപ്പിച്ചിരിക്കുകയാണ്.
