താമരശ്ശേരി(കോഴിക്കോട്): കനത്ത മഴയില് റോഡ് ഇടിഞ്ഞ് ഗതാഗതം തടസ്സപ്പെട്ട താമരശ്ശേരി ചുരത്തില് ഗതാഗത നിയന്ത്രണം തുടരാന് മന്ത്രിമാരുടെ സാന്നിധ്യത്തില് നടന്ന യോഗത്തില് തീരുമാനം. മൂന്ന് മാസത്തിനകം റോഡ് നിര്മാണം പൂര്ത്തിയാക്കാനും ഒരാഴ്ചയ്ക്കകം ഗതാഗതം പുനഃസ്ഥാപിക്കാനും തീരുമാനിച്ചു. അതുവരെ ഭാരമുള്ള വാഹനങ്ങള് കടത്തിവിടില്ല. കെ.എസ്.ആര്.ടി.സി ഷട്ടില് സര്വീസ് ഉള്പ്പെടെ ഏര്പ്പെടുത്തി വാഹന സൗകര്യം ഒരുക്കുമെന്ന് മന്ത്രി ടി.പി രാമകൃഷ്ണന് പറഞ്ഞു.
കോഴിക്കോട് നിന്നുള്ള കെ.എസ്.ആര്.ടി.സി ബസുകള് ചിപ്പിലിത്തോടില് യാത്ര അവസാനിപ്പിക്കും. അവിടെ നിന്ന് യാത്രക്കാര് 200 മീറ്റര് നടന്ന് ബസില് മാറിക്കയറണം. ദീര്ഘദൂര ബസുകള് കുറ്റിയാടി ചുരം വഴി പോകുമെന്നും അദ്ദേഹം അറിയിച്ചു. രാവിലെ ആറ് മണിമുതല് വൈകീട്ട് ഏഴുവരെയാവും കെ.എസ്.ആര്.ടി.സി ഷട്ടില് സര്വീസ് നടത്തുക.
താമരശ്ശേരി ചുരത്തില് ഗതാഗത നിയന്ത്രണം തുടരും; ഈ റൂട്ടിലൂടെ കെ.എസ്.ആര്.ടി.സി ഇനി നടത്തുക ഷട്ടില് സര്വീസ്
