60 കൊല്ലം രാജ്യം ഭരിച്ച കോണ്ഗ്രസിന് 178 കോടി രൂപയാണ് ബാങ്ക് ബാലന്സെങ്കില് കേവലം 13 കൊല്ലം ഭരിച്ച ബി.ജെ.പിയുടെ ബാങ്ക് ബാലന്സ് 2200 കോടി രൂപ. കോണ്ഗ്രസിന്റെ ദേശീയ ഡിജിറ്റല് കമ്യൂണിക്കേഷന് കോഓര്ഡിനേറ്റര് ഗൗരവ് പാന്ധി ഉള്പെടെ ട്വിറ്ററില് ഇക്കാര്യം വ്യക്തമാക്കി പലരും രംഗത്തുവന്നു. സാമൂഹിക മാധ്യമങ്ങളില് ഇരുപാര്ട്ടികളുടെയും ബാങ്ക് അക്കൗണ്ട് വിവരങ്ങളടക്കം പ്രചരിക്കുകയാണ്.
‘കോണ്ഗ്രസ് 60 കൊല്ലം അധികാരത്തിലിരുന്നിട്ട് ബാങ്ക് ബാലന്സ് 178 കോടി രൂപയാണ്. ഒരൊറ്റ ആധുനിക ഓഫിസ് പോലുമില്ല.എന്നാല്, 13 കൊല്ലം മാത്രം ഭരിച്ച ബി.ജെ.പിയുടെ ബാങ്ക് ബാലന്സ് ഇപ്പോള് 2200 കോടി രൂപയാണ്.
ഓരോ ജില്ലയിലും അവര്ക്ക് വമ്പന് കെട്ടിടങ്ങളും ഓഫിസുകളുമുണ്ട്. അതിനൊപ്പം മോദിയുടെജെറ്റുകള്ക്കും കൊട്ടാരങ്ങള്ക്കും വേണ്ട ചെലവുകള് പുറമെയും. മാസ്റ്റര്സ്ട്രോക് നാഷനലിസം’-ഗൗരവ് പാന്ധി ട്വീറ്റ് ചെയ്തു.
