സഹപ്രവര്ത്തകയായ മാധ്യമപ്രവര്ത്തകയ്ക്ക് അശ്ലീല സന്ദേശം അയച്ചതിന് മാതൃഭൂമി ന്യൂസ് ചാനലിലെ പ്രൈം ടൈം അവതാരകന് വേണു ബാലകൃഷ്ണനെ പുറത്താക്കി. വേണു ബാലകൃഷ്ണനെ മാനേജ്മെന്റ് കഴിഞ്ഞ ദിവസം അന്വേഷണ വിധേയമായി സസ്പെന്ഡ് ചെയ്തിരുന്നു.
നേരത്തെയും വേണു ബാലകൃഷ്ണനെതിരെ മാതൃഭൂമിയിലെ ജീവനക്കാരി പരാതി നല്കിയിരുന്നു. സസ്പെന്ഷന് പിന്നാലെയാണ് പുറത്താക്കാന് തീരുമാനം. മാതൃഭൂമി ന്യൂസ് ചാനലിലെ പ്രൈം ടൈം അവതാരകനും ഡെപ്യൂട്ടി എഡിറ്ററുമാണ് വേണു. വിശദീകരണം കേട്ട ശേഷമാണ് പുറത്താക്കാൻ തീരുമാനിച്ചത്. ഇതിനുമുമ്പും വേണുവിനെതിരെ സമാന ആരോപണങ്ങൾ ഉയർന്നിരുന്നു. മാതൃഭൂമി ന്യൂസ് ചാനലിന്റെ തുടക്കം മുതല് പ്രൈം ടൈം അവതാരകനായിരുന്നു.
