മുഖ്യമന്ത്രിക്കെതിരെ മൊഴി നൽകിയാൽ സ്വപ്നയെ മാപ്പുസാക്ഷിയാക്കാമെന്ന് ഇ.ഡി വാഗ്ദാനം നല്കിയതായി മൊഴി. സ്വപ്നയുടെ എസ്കോര്ട്ട് ഡ്യൂട്ടിയിലുണ്ടായിരുന്ന സിവില് പൊലീസ് ഓഫീസര് റെജിമോളാണ് ഇ.ഡിക്കെതിരെ മൊഴി നൽകിയത്. ശിവശങ്കറിന് മുഖ്യമന്ത്രി പണം നൽകിയെന്ന് പറയാൻ ഉദ്യോഗസ്ഥർ സ്വപ്നയെ നിർബന്ധിച്ചെന്നും വെളിപ്പെടുത്തലുണ്ട്.
സ്വപ്നയുടെ ശബ്ദരേഖ ചോർന്ന കേസ് അന്വേഷിക്കുന്ന സംഘത്തിനാണ് വനിതാ പോലീസ് ഉദ്യോഗസ്ഥ മൊഴി നല്കിയിരിക്കുന്നത്. ഇ.ഡിക്കെതിരെ ഇത് രണ്ടാമത്തെ മൊഴിയാണ് സ്വപ്നയുടെ ശബ്ദരേഖ അന്വേഷിക്കുന്ന സംഘത്തിന് ലഭിക്കുന്നത്. സ്വപ്നയുടെ എസ്കോര്ട്ട് ഡ്യൂട്ടിയിലുണ്ടായിരുന്ന മറ്റൊരു വനിതാ പോലീസ് ഉദ്യോഗസ്ഥ ഇന്നലെ ഇ.ഡിക്കെതിരെ മൊഴി നല്കിയിരുന്നു.
മുഖ്യമന്ത്രിയുടെ പേര് പറയാന് സ്വപ്ന സുരേഷിനെ എന്ഫോഴ്സ്മെന്റ് ഡയറക്ടറേറ്റ് നിര്ബന്ധിച്ചെന്നായിരുന്നു പോലീസ് ഉദ്യോഗസ്ഥയായ സിജി വിജയന് ഇന്നലെ മൊഴി നല്കിയത്. രാധാകൃഷ്ണന് എന്ന ഉദ്യോഗസ്ഥനാണ് സ്വപ്നയെ നിര്ബന്ധിച്ച് മുഖ്യമന്ത്രിയുടെ പേര് പറയിക്കാന് ശ്രമിച്ചതെന്നും മൊഴിയിലുണ്ട്.
