പ്രവാസികളുമായി അബുദബിയില് നിന്ന് കരിപ്പൂരിലെത്തിയവരിൽ കൊവിഡ് ലക്ഷണങ്ങള് . രോഗ ലക്ഷണങ്ങൾ കണ്ട നാല് പേരെ കൊവിഡ് പ്രത്യേക ചികിത്സാ കേന്ദ്രങ്ങളില് ഐസൊലേഷനില് പ്രവേശിപ്പിച്ചു. ഇവരെ മഞ്ചേരി, കോഴിക്കോട് മെഡിക്കൽ കോളേജ് ആശുപത്രികളിലേക്ക് മാറ്റി.
മൂന്ന് മലപ്പുറം സ്വദേശികള്ക്കും ഒരു കോഴിക്കോട് സ്വദേശിക്കുമാണ് രോഗ ലക്ഷണങ്ങള് കണ്ടെത്തിയത്. ഇന്ന് പുലർച്ചെയാണ് അബുദാബി-കരിപ്പൂർ ഐ എക്സ് – 348 എയര് ഇന്ത്യ എക്സ്പ്രസ് പ്രത്യേക വിമാനം കരിപ്പൂരിലെ അന്താരാഷ്ട്ര വിമാനത്താവളത്തിലെത്തിയത്. പുലര്ച്ചെ 2.12 ന് വിമാനം ലാന്ഡ് ചെയ്തു.
187 യാത്രക്കാരാണ് വിമാനത്തിൽ ഉണ്ടായിരുന്നത്. ഇവരിൽ കൊവിഡ് രോഗലക്ഷണം കണ്ടെത്തിയ മലപ്പുറം സ്വദേശികളെ മഞ്ചേരി ഗവ. മെഡിക്കല് കോളജ് ആശുപത്രിയിലും കോഴിക്കോട് സ്വദേശിയെ കോഴിക്കോട് മെഡിക്കല് കോളജ് ആശുപത്രിയിലുമാണ് പ്രവേശിപ്പിച്ചത്.
