തിരുവനന്തപുരം: പൃഥ്വിരാജിന്‍റെ കടുവ എന്ന ചിത്രത്തിനെതിരെ സംസ്ഥാന വികലാംഗ കമ്മീഷൻ രംഗത്തെത്തി. ഷാജി കൈലാസ്, സുപ്രിയ മേനോൻ, ലിസ്റ്റിന്‍ സ്റ്റീഫൻ എന്നിവർക്കാണ് കമ്മിഷൻ നോട്ടീസ് അയച്ചിരിക്കുന്നത്. കടുവയിലെ ഡയലോഗില്‍ പ്രതികരണവുമായി ഡോക്ടര്‍ ഫാത്തിമ അസ്‌ലയും രംഗത്തെത്തിയിരുന്നു. മാതാപിതാക്കളുടെ പാപഫലമാണ് വൈകല്യമെന്നായിരുന്നു പരാമര്‍ശം. ഈ ഡയലോഗ് കേട്ട് തനിക്ക് സങ്കടമുണ്ടെന്നും അമ്മയോ അപ്പയോ മാതാപിതാക്കളോ ഇത്തരം വാക്കുകൾ കേട്ടിട്ടുണ്ടാകുമോ എന്ന് ഭയപ്പെട്ടിരുന്നുവെന്നും ഫാത്തിമ പോസ്റ്റിൽ കുറിച്ചു.