സിനിമാ ജീവിതംപോലെതന്നെ സെലിബ്രിറ്റികളുടെ സ്വകാര്യ ജീവിതവും വാർത്തകളിൽ ഇടംപിടിക്കാറുണ്ട്. കഴിഞ്ഞ ദിവസമാണ് മകന് ജനിച്ചതിന്റെ സന്തോഷം പങ്കുവച്ചുകൊണ്ട് നടി മിയ ജോര്ജ് സോഷ്യൽമീഡിയയിൽ ഒരു ചിത്രം പങ്കുവച്ചത്. മകന് ജനിച്ച ശേഷമാണ് മിയ ഗര്ഭിണിയായിരുന്നുവെന്നുള്ള കാര്യം പോലും പുറംലോകം അറിഞ്ഞത്.
ഇപ്പോഴിതാ ഗര്ഭകാലം സോഷ്യൽമീഡിയയിൽ പങ്കുവച്ച് വലിയ സംഭവമാക്കി മാറ്റാതിരുന്ന മിയയെ അഭിനന്ദിച്ചും ഒപ്പം ഗര്ഭകാലം സോഷ്യൽമീഡിയയിലൂടെ പങ്കുവച്ച് ആഘോഷമാക്കിയ നടിയും അവതാരകയുമായ പേളി മാണിയെ വിമർശിച്ചും രംഗത്തെത്തിയിരിക്കുകയാണ് സോഷ്യൽമീഡിയ.
അശ്വിനും കുഞ്ഞിനുമൊപ്പമുള്ള ചിത്രവുമായാണ് കഴിഞ്ഞ ദിവസം മിയ എത്തിയത്. ലൂക്ക ജോസഫ് ഫിലിപ്പ് എന്നാണ് മകന്റെ പേര്. ഒരു മാസം മുന്പായിരുന്നു മിയയ്ക്കും അശ്വിനും ആണ്കുഞ്ഞ് പിറന്നത്. മകനൊപ്പമുള്ള ഫോട്ടോയുമായെത്തിയ മിയയെ അഭിനന്ദിച്ചായിരുന്നു ആരാധകർ എത്തിയത്.
‘സംവൃത സുനിലും മിയയും ഒക്കെ കൊച്ചുണ്ടായി കുറെ ദിവസം കഴിഞ്ഞാണ് പുറം ലോകം അറിഞ്ഞത് തന്നെ… ആ പേളി ഒക്കെ ഇവരെ കണ്ട് പഠിക്കണം… പേളി മാത്രം അല്ല കുറെ എണ്ണങ്ങൾ’- എന്നായിരുന്നു ചിത്രത്തിന് താഴെ ഒരാളുടെ കമന്റ്. ‘ഗർഭകാലം ഒരു “വലിയ സംഭവം” ആക്കി മാറ്റി സോഷ്യൽ മീഡിയയിൽ അതിനെ ഒരു “ആഘോഷം” ആക്കാതിരുന്ന നിങ്ങളുടെ’ വകതിരിവിന് ‘, ( വിവേകം) എന്റെ ആദ്യ കൈയ്യടി’ എന്നായിരുന്നു മറ്റൊരു കമന്റ്.
‘ഇവിടെ ചിലർ ഗർഭം ധരിച്ച മുതൽ പ്രസവം കഴിയുന്നത് വരെ ആഘോഷിച്ച് വെറുപ്പിച്ച് കയ്യിൽ തരുന്നു, എന്നിട്ടോ വാർത്താ ദാരിദ്ര്യം കൊണ്ട് പീറ മാധ്യമങ്ങൾ അവരുടെ പിന്നാലെ പോയി വലിയ വാർത്താ പ്രധാന്യം കൊടുക്കുന്നു, നിങ്ങളെ കണ്ട് അവർ പഠിക്കട്ടെ ഗർഭം ധരിച്ചതും പ്രസവിച്ചതും ആരും അറിഞ്ഞില്ല.’
‘ആരും അറിഞ്ഞില്ലാ ഇപ്പഴാണ് അറിയുന്നത് ഇങ്ങനെ വേണം ആർട്ടിസ്റ്റ് ആന്ന് പറഞ്ഞ് ഉള്ളത് മെത്തം ലോകം അറിയാൻ ഇപ്പ ഉളള മേൽവിലാസം അങ്ങനെ ഇരിക്കട്ടെ നല്ലത് മാത്രം’- എന്നായിരുന്നു മറ്റൊരു കമന്റ്.
