കാസര്കോട് ജില്ലയിൽ നടക്കുന്ന സ്കൂള് ശാസ്ത്ര മേളയ്ക്കിടെ പന്തല് തകര്ന്നു. മഞ്ചേശ്വരം ബേക്കൂര് ഗവണ്മെന്റ് ഹയര്സെക്കന്ററി സ്കൂളിലാണ് സംഭവം. മഞ്ചേശ്വരം ഉപജില്ലാ മത്സരത്തിനിടെയാണ് തകര ഷീറ്റുകൊണ്ട് നിര്മ്മിച്ച പന്തല് തകര്ന്നത്.
അപകടത്തിൽ 30 വിദ്യാര്ത്ഥികള്ക്ക് പരിക്കുണ്ട്. നാല് വിദ്യാര്ത്ഥികളുടെയും ഒരു അധ്യാപകന്റെയും പരിക്ക് ഗുരുതരമാണ്. നാലുപേരെ മംഗലാപുരത്തെ സ്വകാര്യ ആശുപത്രിയിലേക്ക് മാറ്റി. സംഭവത്തിൽ അന്വേഷണം നടത്താന് കാസര്കോട് വിദ്യാഭ്യാസ ഉപഡയറക്ടര്ക്ക് നിര്ദ്ദേശം നല്കി. ഇന്നലെയായിരുന്നു ബേക്കൂര് സ്കൂളില് ശാസ്ത്രമേള തുടങ്ങിയത്.
