റാണ ദഗ്ഗുബാട്ടിക്കൊപ്പം ‘വിരാട പർവം’ എന്ന ചിത്രത്തിൽ അവസാനമായി അഭിനയിച്ച നടി സായ് പല്ലവി ഇപ്പോൾ ‘ഗാർഗി’യുടെ ട്രെയിലറിലൂടെ വാർത്തകളിൽ നിറയുകയാണ്. അടുത്തിടെ ഒരു മാധ്യമത്തിന് നൽകിയ അഭിമുഖത്തിൽ, നല്ല തിരക്കഥ ലഭിച്ചാൽ നടൻ വിജയ്ക്കൊപ്പം പ്രവർത്തിക്കാൻ താൻ ആഗ്രഹിക്കുന്നുവെന്ന് സായി പല്ലവി വെളിപ്പെടുത്തിയിരുന്നു. വിജയ്ക്കൊപ്പം പ്രവർത്തിക്കാനുള്ള ആഗ്രഹവും ആവേശവും ആകാംക്ഷയും അവർ പ്രകടിപ്പിച്ചു. കഥയും തിരക്കഥയും മികച്ചതെങ്കിൽ പ്രോജക്റ്റ് തിരഞ്ഞെടുക്കുമെന്ന് സായ് പല്ലവി പറഞ്ഞു. തെന്നിന്ത്യൻ സിനിമയിലെ മുൻ നിര നടിമാരിൽ ഒരാളാണ് സായി പല്ലവി. ശക്തവും, സ്ത്രീ കഥാപാത്രങ്ങൾക്ക് മൂല്യമുള്ളതുമായ തിരക്കഥകൾ തിരഞ്ഞെടുക്കുന്നതിൽ പ്രശസ്തയാണ് അവർ. ‘ഗാർഗി’യുടെ റിലീസിന് പുറമെ, നടൻ ശിവകാർത്തികേയനൊപ്പം രാജ്കുമാർ പെരിയസാമി സംവിധാനം ചെയ്യുന്ന ‘എസ്കെ 21’ എന്ന തന്‍റെ അടുത്ത ചിത്രത്തിന്‍റെ ഷൂട്ടിംഗ് ആരംഭിക്കാനുള്ള തയ്യാറെടുപ്പിലാണ് നടി.