കാസർകോട്: വൃദ്ധ ദമ്പതികൾ കുളത്തിൽ വീണ് മരിച്ച നിലയിൽ. മുൻ പഞ്ചായത്ത് അംഗമായ പനത്തടി നീലച്ചാലിലെ എൻ.കൃഷ്ണൻ നായ്ക്ക് (84), ഭാര്യ ഐത്തമ്മ ഭായ് (80) എന്നിവരെയാണ് മരിച്ച നിലയിൽ കണ്ടെത്തിയത്. ശനിയാഴ്ച വൈകിട്ട് ആറോടെയാണ് സംഭവം.
ഇവരെ വീട്ടിൽ കാണാത്തതിനെ തുടർന്ന് തിരച്ചിൽ നടത്തുന്നതിനിടെ ആണ് കുളത്തിൽ മരിച്ച നിലയിൽ കണ്ടെത്തുകയായിരുന്നു. വീടിന് സമീപത്ത് തന്നെയാണ് കുളം സ്ഥിതി ചെയ്യുന്നത്.
കൃഷ്ണൻ നായ്ക് റാണിപുരം വനസംരക്ഷണ സമിതി പ്രസിഡണ്ട്, പെരുതടി മഹാദേവ ക്ഷേത്രം പ്രസിഡണ്ട് എന്നീ നിലകളിലും പ്രവർത്തിച്ചിരുന്നു.
സുരേന്ദ്രൻ നായ്ക്ക്, ജാണു നായ്ക്ക്, ജാനകി, യശോധ, രത്ന, മാധവി, ബാബു (ഹൗസിങ് ബോർഡ് ജീവനക്കാരൻ), ജയരാജൻ (കോടോത്ത് ഗവ.ഹയർ സെക്കൻഡറി സ്കൂൾ അധ്യാപകൻ)എന്നിവർ മക്കളാണ്. ജാനകി, വിജയൻ, ബാലൻ, കുട്ടി നായക്, ദാമോധരൻ, കമലം, പ്രേമ, രമ്യ മരുമക്കളാണ്.
