കാണാതായ കോളേജ് വിദ്യാര്ത്ഥിനി ജെസ്നയെ(20) കണ്ടെത്തിയതായി സൂചന. കാണാതായിട്ട് രണ്ട് വര്ഷം പിന്നിടുമ്പോഴാണ് ജസ്നയെ കണ്ടെത്തിയതായുള്ള റിപ്പോര്ട്ട് പുറത്തുവരുന്നത്. ക്രൈംബ്രാഞ്ച് ഡയറക്ടര് ടോമിന് തച്ചങ്കരിയുടെ നേതൃത്വത്തിലുള്ള അന്വേഷണ സംഘം അയല് സംസ്ഥാനത്ത് നിന്ന് പെണ്കുട്ടിയെ കണ്ടെത്തിയെന്നാണ് റിപ്പോര്ട്ടുകള്.
ജസ്നയെ ഉടന് നാട്ടിലെത്തിക്കാനുള്ള ശ്രമങ്ങള് ആരംഭിച്ചതായും റിപ്പോര്ട്ടുണ്ട്. 2018 മാര്ച്ച് 22-നാണ് വെച്ചൂച്ചിറ കൊല്ലമുള ജെയിംസ് ജോസഫിന്റെ മകള് ജെസ്ന മരിയ ജെയിംസിനെ കാണാതായത്. കാഞ്ഞിരപ്പള്ളി സെന്റ് ഡൊമിനിക്സ് കോളേജില് രണ്ടാംവര്ഷ ബി.കോം. വിദ്യാര്ത്ഥിനിയായിരുന്നു. മുണ്ടക്കയം പുഞ്ചവയലിലുള്ള അച്ഛന്റെ സഹോദരിയുടെ വീട്ടിലേക്ക് പോയ ജെസ്ന എരുമേലിവരെ എത്തിയെന്ന് അന്വേഷണത്തില് കണ്ടെത്തി.
പിന്നീട് ജസ്ന എവിടേക്ക് പോയി എന്നതിനെക്കുറിച്ച് യാതൊരു തുമ്പും പോലീസിന് ലഭിച്ചില്ല. ജസ്നയെക്കുറിച്ച് വിവരം നല്കുന്നവര്ക്ക് അഞ്ച് ലക്ഷം രൂപ ഡി.ജി.പി പാരിതോഷികം പ്രഖ്യാപിച്ചിരുന്നു.
