തിരുവനന്തപുരം: മലയാളം ഇനി ഭരണഭാഷയാണ്. മലയാള ഭാഷ നിര്ബന്ധമാക്കുന്ന സുപ്രധാന നിര്ദേശങ്ങളടങ്ങിയ മലയാള ഭാഷ ബില്ലിൽ ഗവര്ണര് രാജേന്ദ്ര ആര്ലേക്കര് ഒപ്പിട്ടു. ഗവര്ണര് അംഗീകാരം നൽകിയതോടെ നിയമം വൈകാതെ പ്രാബല്യത്തിലാകും. ഒന്ന് മുതൽ പത്ത് വരെയുള്ള ക്ലാസുകളിൽ ഇനി മലയാളം നിർബന്ധമാക്കും. കോടതി ഭാഷ, സർക്കാർ ഉത്തരവുകൾ എന്നിവയും പി.എസ്.സി പരീക്ഷകളും മലയാളത്തിലായിരിക്കും. മലയാള ഭാഷാ ബില് പാസാക്കണമെന്ന് സാംസ്കാരിക നായകര് പ്രധാനമന്ത്രിയോട് ആവശ്യപ്പെട്ടിരുന്നു.
നേരത്തെ യു.ഡി.എഫ് സർക്കാർ പാസാക്കിയ ബില്ലിന് രാഷ്ട്രപതി അനുമതി നൽകിയിരുന്നില്ല. ഇതിനുപിന്നാലെയാണ് സംസ്ഥാന സര്ക്കാര് ബില്ലുമായി മുന്നോട്ടുപോയത്. സംസ്ഥാനത്ത് ഔദ്യോഗിക ഭാഷ മലയാളമാക്കാനും മലയാളം സാര്വത്രികമാക്കാനും നടത്തിയ വിപുലമായ ചര്ച്ചകള്ക്കുശേഷമാണ് ബില് തയ്യാറാക്കിയത്. മലയാള ഭാഷാ ബിൽ -2025നാണ് ഗവര്ണര് അംഗീകാരം നൽകിയത്.
